ސައުދީ ޕްރޯ ލީގުގގައި ޑިފެންޑިން ޗެންޕިއަންއާއި ދެކޮޅަށް އަަލްންޞްރުން މުހިންމު މޮލެއް ހޯދައި ތާވަލުގެ އެއްވަނައިގައި ހަމަޖެހިލައިފިއެވެ. މިމެޗުގައި ކްރިސްޓިއާނޯ ރޮނާލްޑޯ އާއި ސަދިއޯ މާނޭގެ ލަނޑުތަކާއެކު އަލްނަސްރު ވަނީ އަލްއިއްތިހާދު 2-0 އިން ބަލިކޮށްފައެވެ.

އިއްތިހާދުގެ ކިންގް އަބްދުﷲ ސްޕޯޓްސް ސިޓީގެ އިންމާ ބޭންކް ސްޓޭޑިއަމްގައި ކުޅުނު މި މެޗުގައި، ޖޯޖް ޖެސަސްގެ ޓީމުގެ ފުރަތަމަ ލަނޑު ޖެހީ މެޗު ފެށިތާ 9 ވަނަ މިނެޓުގައެވެ. މިއީ ކިންގްސްލީ ކޯމަންގެ ހުރަހަކުން ސަދިއޯ މާނޭ ރީތި ވޮލީ އަކުން ޖެހި ގޯލެކެވެ.

Ad by Hajj Corporation

އަލްއިއްތިހާދުގެ ސްޓީވަން ބާގްވިންގެ ހަމަލާއެއް ބެންޓޯ ހުއްޓުވުމަށްފަހު، 34 ވަނަ މިނެޓުގައި އަލްނަސްރުގެ ދެވަނަ ލަނޑު އައިސްފައިވަނީ މާނޭގެ ހުރަހަކުން ރޮނާލްޑޯ ބޮލުންޖެހި ގޯލަކުންނެވެ.

މި މޮޅުވުމާއެކު އަލްނަސްރު ވަނީ މި ސީޒަންގެ ފުރަތަމަ ހަތަރު މެޗުންވެސް މޮޅުވެ، ކުރިން 2014-15 އަދި 2018-19 ވަނަ އަހަރު ހޯދި ރެކޯޑު ތަކުރާރުކޮށްފައެވެ. އެ ދެ ސީޒަންގައިވެސް އަލްނަސްރު ވަނީ ލީގު ޗެމްޕިއަންކަން ހޯދާފައެވެ. ރޮނާލްޑޯ ވަނީ އަލްއިއްތިހާދާ ދެކޮޅަށް ކުޅުނު 6 މެޗުން މިހާތަނަށް 6 ލަނޑު ޖަހާފައެވެ. މީގެ އިތުރުން މިރޭ ރޮނާލްޑޯ ޖެހި ލަނޑާއެކު އޭނާގެ ކެރިއަރުގައި މިހާތާނަށް ރޮނާލްޑޯ ވަނީ 946 ގޯލު ޖަހާފައެވެ.