މައްސަލައެއްގައި  ފުލުހުންގެ  ބެލުމު ގެ ދަށަށް  ގެންގޮސްފައިވާ 30،000 ޑޮލަރު ގެއްލުނު މައްސަލަ އެއް ބަލަމުންދާ ކަމަށް ފުލުހުން ބުނެފިއެވެ.

ފުލުހުން ބުނީ، 2019 ވަނަ އަހަރުގެ ސެޕްޓެމްބަރު މަހުގެ 15 ވަނަ ދުވަހު ހުށަހެޅުނު މައްސަލައެއްގައި ސީޒް ކުރެވުނު ފައިސާއާއި ބެހޭގޮތުން ފާހަގަ ކުރެވުނު ޖުމުލަ ހިސާބުގެ ފަރަގުގެ މައްސަލައެއް ކްރިމިނަލް އިންވެސްޓިގޭޝަން ކޮމާންޑުން ތަހުގީގު ކުރަމުން ދާ ކަމަށެވެ.

މިކަން ފާހަގަ ކުރެވިފައިވަނީ މިމަހު 13 ވަނަ ދުވަހު ކަމަށާއި، 30،000 ޑޮލަރުގެ ފަރަގެއް ފާހަގަ ކުރެވިފައިވާ ކަމަށް ފުލުހުން ބުންޏެވެ.

ފުލުހުން ބުނީ، މީގެ އިތުރުން ހަލާކުވެފައިވާ ފައިސާތަކެެއް ވެސް އެ ފައިސާ ބަހައްޓާފައިވާ ތަނުން ކޮތަޅެއްގެ ތެރެއިން ފެނިފައިވާ ކަމަށެވެ. އަދި އެކަން ވެސް ފޮރެންސިކް މެދުވެރިކޮށް ބަލަމުންދާ ކަމަށް ފުލުހުން ބުންޏެވެ.