މަގުމައްޗަށް ގިނަވެ، ބޭނުން ނުކޮށް ގިނަ ދުވަހު ބަހައްޓާފައި ހުރި 200 އަށް ވުރެ ގިނަ އުޅަނދު ނަގައިފިއެވެ.

މާލެ ސިޓީގެ މަގުތަކުގައި އާންމުންނަށް ދަތިވާގޮތަށް، ދިގު މުއްދަތަކަށް ބޭނުން ނުކޮށް ދޫކޮށްލާފައިވާ އުޅަނދުތައް މިއަދު ކުރި މަސައްކަތުން 208 އުޅަނދެއް މަގުތަކުން ނަގާފައިވާ ކަމަށް ފުލުހުން ވަނީ ބުނެފައެވެ.

ފުލުހުންގެ ތަފާސް ހިސާބުން ދައްކާ ގޮތުގައި މިއަދު 168 ސައިކަލް އަދި 40 ކާރު މިއަދު ވަނީ ޓޯކޮއްފައެވެ.

މި މަސައްކަތް ފުލުހުން ކުރިއަށް ގެންދަވަނީ މާލޭ ސިޓީ ކައުންސިލާއި، ސިޓީސް މިނިސްޓްރީއާ ގުޅިގެންނެވެ. ފުލުހުން ހާމާކުރެއްވި ގޮތުގައި މިއީ، އެންމެނަށް ރައްކާތެރި، ހިތްފަސޭހަ ތަނަކަށް މާލޭގެ މަގުތައް ހެދުމަށް ޓަކައި ކުރެވޭ މަސައްކަތެއް ކަމަށެވެ.

މި މަސައްކަތުގެ ތެރޭގައި ސައިކަލާއި، ކާރާއި އަދި ޕިކަޕު ފަދަ ވެހިކަލްތައް ވެސް ފުލުހުން އަންނަނީ ނަންގަވަމުންނެވެ.