ކީޕަރުގެ ގޯހަކުން ގަދަފަދަ އާސެނަލް ޔުނައިޓެޑް އަތްދަށުނުވެ ސަލާމަތްވެއްޖެ
17 އޯގަސްޓު 2025 - 18:01

ޕްރީމިއަރ ލީގުގައި ފަހަކަށް އައިސް ވަރުގަދަ ކުޅުމެއް ކެޅެމުންގެންދާ އާސެނަލް ހަނިގޮތަކށް ޔުނައިޓެޑް އަތްދަށުނުވެ ސަލާމަތްވެއްޖެއެވެ. މުޅިމެޗުގެ 90 މިނެޓު ޑޮމިނޭޓްކޮށްގެން ކުޅުނު ޔުނައިޓެޑް ބަލިވީ ކީޕަރު ބައިންދިރު އަށް ހެދުނު ގޯހަކުން އާސެނަލްގެ ޑިފެންޑަރު ކަލަފިއޯރީއެވެ.
ޔުނައިޓެޑް އިން ވަނީ ފޯވަޑް ލައިން ހަރުދަނާ ކުރުމަށް 200 މިލިއަން ޕައުންޑް (271 މިލިއަން ޑޮލަރު) މި ޓްރާންސްފާގައި ޚަރަދުކޮށް، އެކުޅުންތެރިންގެ ފަރާތުން މިމެޗުގައި ރަނގަޅުކުޅުމެއް ފެނުނު ނަމަވެސް ޔުނައިޓެޑްގެ އެޓޭކްތައް ހުއްޓުވައި ތިން ޕޮއިންޓް ހޯދައިދިނުމުގައި އާސެނަލް ގެ ޑިފެންޑަރުން އަދި ކީޕަރު ވަނީ މުހިންމު ދައުރެއް އަދާކޮށްފައެވެ.

Ad by Hajj Corporation
މިމެޗުގައި ޔުނައިޓެޑުގެ ފަރާތުން އާސެނަލްގެ ގޯލާއި އަމާޒުކޮށް ޖުމްލަ 22 ޝޮޓެއް ފޮނުވާލާފައިވާއިރު، އާސެނަލްއަށް ޔުނައިޓެޑްގެ ގޯލާއި އަމާޒުކޮށް ފޮނުވާލެވުނީ އެންމެ 9 ހަމަލާއެވެ.
ރީތި ފުޓްބޯޅައެއް ކުޅެން މަޝްހޫރު އާސެނަލް އިންވެސް މި ޓްރާންސްފާގައި ބޮޑެތި ޚަރަދުތަކެއް ކޮށްގެން ކުޅުންތެރިން ގެނައިނަމަވެސް، އެކުލުންތެރިންގެ ފަރާތުން މިމެޗުގައި ފެނިގެންދިޔައީ ލޮނުމަޑު ކުޅުމެކެވެ. މިމެޗުގެ 90 މިނެޓުހަމަވީ 1-0 އިން އާސެނަލް ކުރީގައިއޮވެގެންނެވެ.
މިމެޗުގައި ޔުނައިޓެޑުން ބޮޑު އަގެއް ދީގެން ގެނައި ސެސްކޯ އަދި އާސެނަލް އިން ބޮޑު އަގެއް ދީފައި ގެނައި ގިއޯކެރޭސް އަށް ވެސް އެދެވޭ ކުލުމެއް ދެއްކިފައެއް ނުވެއެވެ.
މިނަތީޖާއަކީ ފާއިތުވެދިޔަ 6 އަހަރު ތެރޭގައި ލީގު ހޯދުމަށް 800 މިލިޔަން ޕައުންޑްއަށްވުރެ ބޮޑު ޚަރަދެއް ކޮށްފައިވާ އާޓެޓާއަށް ވަރަށް މުހިންމު މޮޅެކެވެ.