logo
ކުޅިވަރު

ހިންކާޕީގެ ޓްރާންސްފާއާއެކު އާޓެޓާގެ ޓްރާންސްފާ ބަޖެޓް ބިލިޔަނަކަށް، މިފަހަރު ތަށި ނޫނީ ގެޔަށް

އާމިނަތު ޝަފާ
29 އޯގަސްޓު 2025 - 14:26
ހިންކާޕީގެ ޓްރާންސްފާއާއެކު އާޓެޓާގެ ޓްރާންސްފާ ބަޖެޓް ބިލިޔަނަކަށް، މިފަހަރު ތަށި ނޫނީ ގެޔަށް

އާސެނަލްއިން ބަޔަރ ލެވަކޫސަންގެ ތަރި އަދި އިކުއެޑޯރގެ ޒުވާން ޑިފެންޑަރު ޕިއެރޯ ހިންކާޕީގެ ސޮއި ހޯދުމާ ގާތްވެފައިވާ ކަމަށް ޚަބަރު ލިބިއްޖެއެވެ. އުމުރުން 23 އަހަރުގެ އިކުއެޑޯގެ މިކުޅުންތެރިޔާގެ ސޮއި ހޯދުމަށް އާސެނަލްއިން 70 މިލިޔަން ޑޮލަރު (ރިލީސް ކްލޯސް) ދައްކަންޖެހޭނެ ކަމަށް ރިޕޯޓްތައް ބުނެއެވެ.

މިކެލް އާޓެޓާ ގެ ކޯޗުކަމުގައި އާސެނަލްއަށް މިހާތަނަށް ގެނެސްފައިވަނީ އެޓޭކިންގއަށް ކުޅޭ ކުޅުންތެރިންނެވެ. ހިންކާޕީ އާސެނަލްއަށް ގެނައުމާއެކު އާސެނަލްގެ ޑިފެންސަށް އިތުރު ބާރެއް ލިބިގެންދާނެއެވެ. ޕޯޓޯއަށް ބަދަލުވާ ކިވިއޯރ ކުލަބުން ދޫކޮށްލުމުން އުފެދޭ ހުސްތަން ހިންކާޕީ ފުރާނެކަމަށް ބެލެވޭއިރު ހިންކާޕީއަކީ ސެންޓަރ ބެކެއްގެ ގޮތުގައި ކުޅެވޭ އަދި ފުލްބެކްގައިވެސް ކުޅެވޭ ކުޅުންތެރިއެކެވެ.

Ad by Hajj Corporation

Ad by Hajj Corporation

މީގެ ކުރިން އާސެނަލްއިން ހިންކާޕީއަށް ހުށަހެޅި ހުށަހެޅުންތަކަށް އޭނާ ވަނީ އިންކާރުކޮށްފައެވެ. އާސެނަލްއަށް ބަދަލުވާން އޭނާ ކީ އަގު 52 މިލިއަން ޕައުންޑަށް އަރާއިރު އާސެނަލްގެ ކުރީގެ ހުށަހެޅުންތައް މިއަގަށް ވުރެ ކުޑައެވެ. އާސެނަލްއިން މިހާރު ހުށަހަޅާފައިވާ އާ އެއްބަސްވުމަކީ ލޯން ވިތު އޮބްލިގޭޝަން ޓު ބައި އެއްބަސްވުމެކެވެ.

ހިންކާޕީގެ ޓްރާންސްފާއާއެކު މިޓްރާންސްފާ މާކެޓްގައިއެކަނިވެސް އާސެނަލް ކުޅުންތެރިންގެންނަން ކުރި ޖުމްލަ ޚަރަދު 400 މިލިޔަން ޑޮލަރަށް އަރާއިރު، ހިންކާޕީއާއެކު ޖުމްލަ 8 ކުޅުންތެރިއެއް އަލަށް އާސެނަލް އިން މި ސީޒަންގައި ވަނީ ސޮއި ކުރުވާފައެވެ. އެހެންކަމުން މީގެ 8 އަހަރުކުރިން އާސެނަލް އާއި ހަވާލުވި އާޓެޓާގެ ޓްރާންސްފާ ޖުމްލަ ބަޖެޓް 1 ބިލިޔަން ޑޮލަރަށްވުރެ އިތުރުވެފައިވެއެވެ.

އެހެނަސް ފާއިތުވެދިޔަ އަށް އަހަރުތެރޭގައި އާޓެޓާ އެއް ބިލިޔަން ޑޮލަރު ހޭދަކޮށްގެން އާސެނަލް އަށް ލިބިފައިވަނީ 1 ޓްރޮފީއާއި ދެޝީލްޑެވެ. އަދި އެންމެ ފަހުން އާސެނަލް އަށް ތަށްޓެއް ހޯދިފައިވަނީ މީގެ ފަސް އަހަރު ކުރިންނެވެ. ފާއިތުވެދިޔަ ތިން ސީޒަނުގައި ޕްރީމިއަރ ލީގުގެ ދެވަނަ ހޯދާފައިވާ އާސެނަލް މި ސީޒަނުގައި ޔޫރަޕުގައި އެންމެ ބޮޑު ހޭދައެއް ކުރި ކުލަބަށް ވެގެންދިޔައިރު، މި ސީޒަނުގައި އާޓެޓާ ހުސްއަތާ ސީޒަން ނިންމާލަންޖެހިއްޖެނަމަ އާސެނަލް ގެ ކޯޗުކަމުން އާޓެޓާ ވަކިކޮށް ގެޔަށް ފޮނުވާލުމަކީ ވަރަށް ގާތް ކަމެކެވެ.

Hajj Corpooration

Hajj Corpooration

ކޮމެންޓް

ގުޅުންހުރި ލިޔުންތައް

ހިންކާޕީގެ ޓްރާންސްފާއާއެކު އާޓެޓާގެ ޓްރާންސްފާ ބަޖެޓް ބިލިޔަނަކަށް، މިފަހަރު ތަށި ނޫނީ ގެޔަށްކުޅިވަރު | 12 ގަޑިއިރު ކުރިންޗެލްސީއަށް ހަތަރު ހަފްތާއިން ނުހެދުނު ސިމޯންސްގެ ޓްރާންފާ ޓޮޓްނަމް އިން ދެދުވަސްތެރޭގައި ނިންމައިފިކުޅިވަރު | 20 ގަޑިއިރު ކުރިންނިކް ވޯލްޓެމޭޑް ނިއުކާސަލް އަށްކުޅިވަރު | ދުވަހެއް ކުރިންހާލަންޑް އާއި ވާދަކުރަން ގެނައި ހޯލަންޑް ޔުނައިޓެޑް ދޫކޮށްލައި ނަޕޮލީއަށްކުޅިވަރު | 3 ދުވަސް ކުރިން