ޕެލަސް އިން ވޯލްޑް ޗެމްޕިއަންސް ހުއްޓުވައިފި
17 އޯގަސްޓު 2025 - 18:38

އިނގިރޭސި ޕްރީމިއަރ ލީގުގައި ދުނިޔޭގެ ޗެންޕިއަން ޗެލްސީ އާއި ކްރިސްޓަލް ޕެލަސް ވާދަކުރިމެޗު ގޯލެއް ނުޖެހި މެޗު ހަމަހަމަވެގެން ނިމިއްޖެއެވެ.
މި މެޗުގައި ޗެލްސީން ވަރަށް ގިނަ ހަމަލާތަކެއް ދިފޮނުވާލިނަމަވެސް، ޕެލަސްގެ ދިފާއީ ބާރު ކަނޑުވާލުމަށް ޗެލްސީވަނީ ނުކުޅެދިފައެވެ.

Ad by Hajj Corporation
މެޗުގެ ތިންވަނަ މިނެޓުގައި މާކް ކުކުރެއްލާގެ ބޯޖެހުން އިސްމާއިލާ ސަރު ގޯލު ލައިނުން ސަލާމަތްކުރި ނަމަވެސް، އޭގެ ފަހުން ޗެލްސީއަށް އެފަދަ ނުރައްކާތެރި ހަމަލާއެއް ނުދެވުނެވެ. އަދި ފުރަތަމަ ހާފުގައި އެންމެ13 ވަނަ މިނެޓުގައި ޕެލަސް ވަނީ ގޯލެއް ޖަހާފައެވެ. އެހެން ނަމަވެސް ޓީމަކަށް ބަދަލުވާން އުޅޭ ކަމަށް ޚަބަރުތައް ފެތުރެމުންދާ އެބެރެޗި އެޒޭގެ ފްރީކިކް ވީއޭއާރު ރިވިއުއަކަށް ފަހު ބާތިލުކުރިއެވެ.
ދެވަނަ ހާފުގައި ޗެލްސީން ގިނަ ވަގުތު ބޯޅަ ކޮންޓްރޯލް ކުރި ނަމަވެސް، މެޗު ނިމުމާ ކައިރިވެފައިވަނިކޮށް ޕެލަސްގެ އެޒޭއަށް ލިބުނު ފުރުސަތު ޗެލްސީގެ ކީޕަރު ސަންޗެޒް ހުއްޓުވިއެވެ. އަދި މެޗުގެ އިންޖުރީ ޓައިމްގައި ޗެލްސީގެ ސަބްސްޓިޓިއުޓް އެންޑްރޭ ސަންޓޯސްއަށް ލިބުނު ފުރުސަތު ބޭކާރުވެގެން ދިޔައެވެ.
މި މެޗު އެއްވަރުވުމާއެކު މިއީ މިދިޔަ ޖުލައި މަހުގައި ވޯލްޑްކަޕް ކާމިޔާބުކުރި ޗެލްސީއަށް މިސީޒަނުގައި ލީގު ހޯދުމުގައި ކުރާ މަސައްކަތައް ފެހަތަށް އެޅުނު ފިޔަވަޅެކެވެ.