މެންޗެސްޓަރ ސިޓީގެ އަމިއްލަ ސްޓޭޑިއަމްގައި އިއްތިހާދުގައި ކުޅުނު މެޗުގައި ލަދުވެތިގޮތަކަށް ޓޮޓްނަމް އަތުން ބަލިވެއްޖެއެވެ. ޓްރާންސްފާ މާކެޓްގައި ބޮޑެތި ޚަރަދުތަކެއް ކުރުމަށްފަހު ސީޒަނާއި ކުރިމަތިލި ސިޓީ މިމެޗުން ބަލިވެފައިވަނީ 2-0 އިންނެވެ. މި މެޗުގައި ޓޮޓްނަމްގެ ގޯލުތައް ކާމިޔާބުކޮށްދިނީ ބްރެނަން ޖޮންސަން އާއި ޖޯއާއޯ ޕަލީނިއާއެވެ.

މިދިޔަ ސީޒަނުގައި ޔޫރަޕާ ލީގު ކާމިޔާބުކުރި ޓޮޓްނަމްގެ އައު މެނޭޖަރު ތޯމަސް ފްރޭންކްގެ ދަށުން ކުޅުނު ފުރަތަމަ ދެ މެޗުންވެސް މޮޅުވެ، މިވަގުތު ވަނީ ޕްރިމިއަރ ލީގުގެ އެއްވަނައިގައި ހިމެނިފައެވެ. މިއީ ތޮޓްނަމްއަށް ވަރަށް އުއްމީދީ ފެށުމެކެވެ.

Ad by Hajj Corporation

ފާއިތުވެދިޔަ ފަސް ސީޒަނުގެ ތެރެއިން ހަތަރު ސީޒަންގައި ލީގު ކާމިޔާބުކުރި ސިޓީ މިދިޔަ އަހަރު ލީގު ނިންމާލީ ތާވަލުގެ ތިންވަނައިގައެވެ. މިކަމާއި ގުޅިގެން ގުއާޑިއޯލާ ވަނީ މިދިޔަ ޖަނަވަރީމަހުން ފެށިގެން 8 ކުޅުންތެރިން ސޮއި ކުރުވާފައެވެ. ސިޓީއަށް މިއަދުގެ މެޗުގައިވެސް ފެނިގެން ދިޔައީ މިދިޔަ ސީޒަނުގައި ފެނިގެންދިޔަ ޑިފެންސިވް މައްސަލަތަކެކެވެ. ޚާއްސަކޮށް ގޯލްކީޕަރު ޖޭމްސް ޓްރެފޯޑްގެ ފަރާތުން ފެނުނު ކުށްތަކާއި ގުޅިގެން ޕެޕް ގުއާޑިއޯލާއަށް ވަނީ އެތައް ސުވާލުތަކެއް ކުރިމަތިވެފައެވެ.

ޕްރިމިއަރ ލީގުގައި ފާއިތުވެދިޔަ 13 މެޗުގައި ސިޓީއަށް ޓޮޓެންހަމްއާ ދެކޮޅަށް ކާމިޔާބުކުރެވިފައިވަނީ އެންމެ ހަތަރު މެޗެވެ.