ޗެލްސީގެ އެކަޑަމީން ލިވަޕޫލަށް ބަދަލުވި ޒުވާން ކުޅުންތެރިޔާ ރިއޯ ގުމޯހާގެ ބަދަލުގެ ފައިސާއާ ގުޅިގެން ދެ ކުލަބުގެ މެދުގައި ޝަރުޢީ މައްސަލައެއް ކުރިމަތިވާނެ ކަމަށް ބެލެވޭން ފަށައިފިއެވެ.

މިދިޔަ އަހަރުގެ ސަމަރ ޓްރާންސްފަރ ވިންޑޯގައި ގުމޯހާ ސޮއިކުރުމަށް ލިވަޕޫލުން ވަނީ ޕްރިމިއަރ ލީގުގެ ފަސް މަރުހަލާއެއްގެ ރަޖިސްޓްރޭޝަން ޕްރޮސެސްއެއް ފުރިހަމަކުރަން ޖެހިފައެވެ. ފީފާގެ ފުޓްބޯޅަ ޤަވާއިދުބުނާ ގޮތުން އުމުރުން 18 ނުވާ ކުޅުންތެރިން އެއް ކުލަބުން އަނެއް ކުލަބަށް ބަދަލުވުމުގައި ޓްރާންސްފާ ފީއެއް ބޭނުންމެއް ނުކުރެވޭނެއެވެ. އެހެންކަމުން މިފަދަ ހާލަތްތަކުގައި އެކަޑެމީ ގައި ތަރައްޤީކުރާ ކުޅުންތެރިން، 18 އަހަރު ފުރުމުގެ ކުރިން އެހެން ކުލަބަކަށް ބަދަލުވާ ހާލަތްތަކުގައި، ކުޅުންތެރިޔާ ސޮއިކުރާ ކުލަބުން އެކަޑެމީ ކުލަބަށް ދައްކަން ޖެހޭ އަދަދެއް ކަނޑައަޅާނީ މިނިވަން ކޮމިޝަނަކުންނެވެ. އަދި ރެޖިސްޓްރޭޝަން ޕްރޮސެސް ފުރިހަމަ ވާނީ އެހިސާބުންނެވެ.

Ad by Hajj Corporation

ޕްރޮފެޝަނަލް ފުޓްބޯޅަ ކޮމްޕެންސޭޝަން ކޮމިޓީ (ޕީއެފްސީސީ) އިން ބަދަލުގެ ފައިސާގެ މިންވަރު ކަނޑައެޅުމުގައި ގިނަ ކަންތައްތަކަކަށް ރިއާޔަތްކުރާނެއެވެ. މީގެ ތެރޭގައި ކުޅުންތެރިޔާގެ އުމުރާއި، ކުޅުމުގެ ރެކޯޑާއި، ޗެލްސީގައި ހޭދަކުރި މުއްދަތާއި، ދެ ކުލަބުގެ ސްޓޭޓަސްއާއި، ދެ ކުލަބުން ހުށަހެޅި އެއްބަސްވުންތައް ހިމެނެއެވެ. މީގެ އިތުރުން މިހާތަނަށް ލިވަޕޫލަށް ގުމޯހާ ދެމެޗެއް ކުޅެފައިވާއިރު، އެމެޗުތަކުގެ ކުޅުންތެރިޔާގެ ޕާފޯމޭންސް އަށްވެސް ބަލާނެއެވެ. ގުމޯހާ ވަނީ މިދިޔަ ހަފްތާ ބަންދުގައި ބަދަލު ކުޅުންތެރިއެއްގެ ގޮތުގައި ނިކުމެ ފަހުގަޑީގައި ނިއުކާސަލް އަތުން ލިވަޕޫލަށް މުހިންމު މޮޅެއް ހޯދައިދީފައެވެ.

މިކުޅުންތެރިޔާގެ ޓްރާންސްފާ މައްސަލައިގައި ދެކުލަބު ދޭތެރޭގައި ނުތަނަވަސްކަން އުފެދިފައިވާއިރު، ޗެލްސީިއން މިހާރު ވަނީ އެކުލަބުގެ އެކަޑެމީ ކޯބަމް އަށް ލިވަޕޫލުގެ ސްކައުޓުން ވަނުން މަނާކޮށްފައެވެ. އަދި ގުމޯހާގެ މައްސަލައިގައި ލިވަޕޫލުން 5 މިލިޔަން ޑޮލަރަށްވުރެ ބޮޑު އަދަދެއް ހޯދުމަށް ޗެލްސީއިން ޑިމާންޑްކުރާނެކަމަށް ބެލެވެއެވެ.

ހުކުރު ދުވަހު 17 އަހަރު ފުރޭ ގުމޯހާއަށް އެންފީލްޑްގައި ތިން އަހަރު ދުވަހުގެ ޕްރޮފެޝަނަލް އެއްބަސްވުމެއްގައި ސޮއިކުޜާނެކަމަށް މަޢުލޫމާތުލިބެއެވެ. އަދި ލިވަޕޫލްގެ އިސްވެރިން ގުމޯހާގެ މުސްތަގުބަލަށް ކުރާ އިތުބާރު ބޮޑުކަން ފާހަގަކުރެވެއެވެ.