މަސްވެރިކަމުގެ ދާއިރާއިން މަތީ ތައުލީމު ހާސިލުކުރުމަށް ހަތަރު ސްކޮލާޝިޕް ފުރުސަތު ހުޅުވާލައިފިއެވެ.

މިއީ ދިވެހި ސަރުކާރާއި ވޯލްޑް ބޭންކް ގުޅިގެން ހިންގާ "ޓްރާންސްފޯމިން ފިޝަރީޒް މެނޭޖްމަންޓް އިން ސައުތު ވެސްޓް އިންޑިއަން އޯޝަން ރީޖަން އެންޑް މޯލްޑިވްސް ޕްރޮޖެކްޓް" ގެ ދަށުން ހުޅުވާލި ފުރުސަތެކެވެ.

Ad by Hajj Corporation

މި ސްކޮލާޝިޕްތަކުގެ ދަށުން ހޮވޭ ފަރާތްތަކަށް ކޯސް ފީގެ އިތުރުން، ފޮތްތަކަށް ދެވޭ އެލަވަންސް، އެސްޓަބްލިޝްމަންޓް އެލަވަންސް، ދަތުރު އެލަވަންސް އަދި މަހު އެލަވަންސް ލިބިގެންދާނެއެވެ. ނަމަވެސް ކޯސް ފުރިހަމަކުރުމަށްފަހު މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްގައި ޚިދުމަތް ކުރުމަށް ބޮންޑު ކުރެވޭނެއެވެ.

މި ފުރުސަތުތަކަށް ކުރިމަތިލުމުގެ ސުންގަޑިއަކީ 2025 ސެޕްޓެމްބަރ 18 ވާ ބުރާސްފަތި ދުވަހުގެ މެންދުރު 12:00 އެވެ. އެޕްލިކޭޝަން ހުށަހަޅަންވާނީ މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްގެ ޕްރޮޖެކްޓް މެނޭޖްމަންޓް ޔުނިޓަށެވެ.

މާސްޓާސް ޑިގްރީ ކޯސްތަކަށް ކުރިމަތިލާ ފަރާތްތަކުގައި ކޯހުގެ ދާއިރާއާ ގުޅުންހުރި ދާއިރާއަކުން ބެޗްލާސް ޑިގްރީއެއް ހާސިލުކޮށްފައިވުމާއެކު، ދެ އަހަރުގެ މަސައްކަތު ތަޖުރިބާ ހުންނަންވާނެއެވެ. ބެޗްލާސް ޑިގްރީ ފުރުސަތުތަކަށް ކުރިމަތިލާ ފަރާތްތަކުގައި ޖީ.ސީ.އީ އޯލެވެލްގެ 5 މާއްދާއިން 'ސީ' އިން ފެށިގެން މަތީ ގްރޭޑެއް އަދި އޭލެވެލްގެ 3 މާއްދާއިން 'ސީ' އިން ފެށިގެން މަތީ ގްރޭޑެއް ހާސިލުކޮށްފައި ހުންނަންވާނެއެވެ.