މޯލްޑިވްސް ނޭޝަނަލް ސްކިލްސް ޑިވެލޮޕްމެންޓް އޮތޯރިޓީއާއި މިނިސްޓްރީ އޮފް ސޯޝަލް ޑިވެލޮޕްމެންޓާއި ގުޅިގެން ތަމްރީން ޕްރޮގްރާމްތަކުގައި ނުކުޅެދުންތެރިކަން ހުންނަ ފަރާތްތަކަށް ފުރުސަތު ފަހިކޮށްދިިނުމާއި އަންހެނުން ބާރުވެރިކުރުވުމަށް " ނެޝަނަލް ކޮމްޕިޓެންސީ ސްޓޭންޑާޑްްސް" އަށް ގެނެވުނު މުހިންމު ބަދަލުތަކާ ގުޅޭގޮތުން މަޝްވަރާކޮށްފިއެވެ.

'ނެޝަނަލް ކޮމްޕިޓެންސީ ސްޓޭންޑާޑްސް" އަކީ ތަމްރީން ޕްރޮގްރާމްތައް ފުރިހަމަ ކުރާ ދަރިވަރުން ގެ ކިބައިގައި އެ ދަރިވަރަކު ތަމްރީނުވި ދާއިރާގައި މަސައްކަތްކުރުމަށް އެކަށިގެންވާ ހުނަރާއި ޤާބިލުކަން ހުރިކަން ކަށަވަރުކުރުމަށް އިސްކަންދޭންޖެހޭ ކަންތައްތަކެވެ.

Ad by Hajj Corporation

24 ސެޕްޓެމްބަރުވީ އަންގާރަ ދުވަހު ބޭއްވި މި ބައްދަލުވުމުގައި މޯލްޑިވްސް ނެޝަނަލް ސްކިލްސް ޑިވެލޮޕްމަންޓް އޮތޯރިޓީ ގެ ސީއީއޯ ޑރ.ޒަހްރާ މުޙައްމަުގެ އިތުރުން އެ އިދާރާގެ ބައެއް އިސްބޭފުޅުން ބައިވެރިވަޑައިގެންނެވި ވެއެވެ. އަދި މިނިސްޓްރީއޮފް ސޯޝަލް އެންޑް ފެމިލީ ޑިވެލޮޕްމަންޓް ގެ ފަރާތުން އެ އިދާރާގެ ބައެއް އިސްބޭފުޅުން ވެސް ވަނީ ބައިވެރިވެވަޑައިގަންނަވާފައެވެ.

"އެންމެނަށް ވަޒީފާ" ސިޔާސަތެއް ކަނޑައަޅުއްވާ ޢަމަލުކުރުމަކީ ރައީސުލް ޖުމްހޫރިއްޔާގެ ވަޢުދުފުޅެކެވެ. މިކަނަްތައް ތަންފީޒުކުރުމަށްޓަކައި މި ވުޒާރާއިން ގިނަ މަސައްކަތްތަކެއް ކުރަމުން އަންނަ އިރު، މި ވުޒާރާގެ ނޭޝަނަލް ސްކިލްސް ޑިވެލޮޕްމަންޓް އޮތޯރިޓީން މިހާރު ވަނީ ނޭޝަނަލް އެޕްރެންޓެސްޝިޕް ޕްރޮގްރާމްވެސް ފަށައިފައެވެ.