އެޒެ ގެ ސޮއި އީޒީކޮށް 10 ނަންބަރާއެކު އާސެނަލް އިން ދައްކާލައިފި
23 އޯގަސްޓު 2025 - 16:23

ދުވަސްތަކެއް ވަންދެން ޓޮޓްނަމްއިން ޕެލަސްގެ އެޒެ ގެ ސޮއި ހޯދުމަށް މަސައްކަތް ކުރަނިކޮށް އެންމެ 24 ގަޑިއިރުތެރޭގައި ފަސޭހަކަމާއެކު އެޒެ ގެ ސޮއި ހޯދިކަން އާސެނަލް އިން އިޢުލާނުކޮށްފިއެވެ.
މި ޓްރާންސްފަރގެ އަގަކީ 60 މިލިއަން ޕައުންޑެވެ. އަދި އޭގެ އިތުރުން އެޑް-އޮންސްގެ ގޮތުގައި 7.5 މިލިއަން ޕައުންޑް ހިމެނެއެވެ. އެޒޭ ވަނީ ހުކުރު ދުވަހު މެޑިކަލް ޓެސްޓް ފުރިހަމަ ކޮށްފައެވެ. ނަމަވެސް މެންދުރު 12 ގެ ކުރިން ރަޖިސްޓްރީ ނުކުރެވުމުގެ ސަބަބުން ލީޑްސްއާ ދެކޮޅަށް ކުޅެން ނުލިބޭނެއެވެ.

Ad by Hajj Corporation
27 އަހަރުގެ މި ކުޅުންތެރިޔާ ވަނީ އާސެނަލްއާއެކު 5 އަހަރުގެ އެއްބަސްވުމެއްގައި ސޮއިކޮށްފައެވެ. އާސެނަލްގެ ކޯޗު މިކެލް އަރޓެޓާ ދެކޭ ގޮތުގައި، ޚާއްސަކޮށް ކައި ހަވަރޓްޒްގެ ކަކުލުގެ އިންޖަރީއާ ގުޅިގެން، އެޒޭއަކީ ޓީމަށް ވަރަށް މުހިންމު އިތުރުވުމެކެވެ.
އާސެނަލްއިން ވަނީ އެބެރެޗި އެޒޭއަށް ނަންބަރު 10 ޖާރސީ ދޭނެކަން ކަށަވަރުކޮށްދީފައެވެ. މިއީ އޭނާ ކުރީގެ ކުލަބު ކްރިސްޓަލް ޕެލަސްގައިވެސް ބޭނުން ކުރި ނަންބަރެވެ.
އެޓޭކިންގ މިޑްފީލްޑަރު އެޒޭ އޭނާގެ އައު ޓީމްމޭޓުންނާ ގުޅޭނީ ލީޑްސްއާ ދެކޮޅަށް ކުޅޭ ޕްރިމިއަރ ލީގު މެޗަށް ފަހުގައެވެ.