ޖަރުމަނުގެ ސްޓަޓްގާޓް ގެ ނިކް ވޯލްޓެމޭޑް ގަތުމަށް ނިއުކާސްލް ޔުނައިޓެޑުާ ސްޓަޓްގާޓް އާދެމެދު އެއްބަސްވުމަކަށް އަތުވެއްޖެއެވެ. މި އެއްބަސްވުމުގެ އަގު 80 މިލިއަން ޔޫރޯއަށް ވުރެ މަތިވާނެ ކަމަށް ރިޕޯޓްތައް ބުނެއެވެ.

ފުޓްބޯޅައިގެ މަޝްހޫރު ނޫސްވެރިޔާ ފަބްރިޒިއޯ ރޮމާނޯ ހާމަކުރި ގޮތުގައި ވޯލްޓެމޭޑްގެ މެޑިކަލް ޓެސްޓް ކުރިއަށްދާނީ އިނގިރޭސިވިލާތުގައެވެ. އަދި އޭނާގެ ދަތުރުފަތުރުގެ އިންތިޒާމުތައް މިހާރު ވަނީ ހަމަޖައްސަން ފަށާފައެވެ.

Ad by Hajj Corporation

ސްކައި ސްޕޯޓްސްގެ ނޫސްވެރިޔާ ފްލޯރިއަން ޕްލެޓެންބަރގް ހާމަކުރި ގޮތުގައި ނިއުކާސްލްއިން މި ޑީލްގައި ދައްކާނީ 85 މިލިއަން ޔޫރޯގެ އަސާސީ އަގަކާއި އިތުރު 5 މިލިއަން ޔޫރޯގެ އެޑް-އޮންސްއެވެ. ވޯލްޓެމޭޑް ސްޓަޓްގާޓްގެ ކުޅުންތެރިންނާއި އަލްވަދާއު ކިޔާފައިކަމަށްވެސް އޭނާ ހާމަކުރިއެވެ.

މި އަގުގައި ވޯލްޓެމޭޑް ގަންނަން ނިންމީ ލިވަޕޫލްއާ ގުޅުމަށް މަސައްކަތްކުރަމުންދާ އެލެކްސަންޑަރ އިސާކްގެ ބަދަލުގައި ކަމަށް ލަފާކުރެވެއެވެ. އިސާކް ވަނީ ލިވަޕޫލްއާ ގުޅުމަށް ޝައުގުވެރިކަން ފާޅުކޮށްފައެވެ. މި ޓްރާންސްފާ އާއެކު އިސާކް ލިވަޕޫލަށް ގުޅޭނެކަމަމަށް ގިނަބަޔަކު ދެކެއެވެ.

ނިއުކާސްލްއާ ވޯލްޓެމޭޑް ދިގު މުއްދަތެއްގެ އެއްބަސްވުމެއްގައި ސޮއިކުރާނެ ކަމަށް ވަނީ ހާމަކޮށްފައެވެ.