ހދ. ނެއްލައިދޫ ސިއްޙީ މަރުކަޒުގެ އައު ޢިމާރަތުގެ ބިންގާ އަޅައިފިއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހދ.އަތޮޅަށް ކުރައްވަމުންގެންދަވާ ދަތުރުފުޅުގެ ތެރެއިން އެރަށުގެ ސިއްޙީ މަރުކަޒުގެ އައު އިމާރާޓުގެ ބިންގާ އަޅުއްވައިދެއްވީ ސިއްޙީ ވަޒީރު ޢަބްދުﷲ ނާޡިމް އިބްރާހީމް އާއި އެމްޓީސީސީގެ ސިއީއޯ އަޙްމަދު ސަޢުދީއެވެ.

މިމަސައްކަތް ސިއްޙީ ވުޒާރާއިން އެމްޓީސީސީއާއި ހަވާލުކޮށްފައިވަނީ 11 މިލިއަނަށްވުރެ ގިނަ ރުފިޔާއަށެވެ. މި މަސައްކަތް ހަވާލުކޮށްފައިވަނީ 1 އަހަރާއި 3 މަސް ދުވަހުގެ ތެރޭގައި ނިންމާ ގޮތަށެވެ.

Ad by Hajj Corporation

3 ފަންގިފިލާއަށް ތަރައްޤީ ކުރާ މި ޢިމާރާތުގައި 10 އެނދުގެ ވޯޑަކާއި، ލެބޯޓްރީއާއި، ޕަބްލިކް ހެލްތު ޔުނިޓާއި، އެހެނިހެން މުހިއްމު ޚިދުމަތްތައް ޤާއިމުކުރެވޭނެއެވެ.

އަތޮޅުތަކުގެ ސިއްހީ ނިޒާމު ހަރުދަނާކޮށް ބޭސްފަރުވާއަށް މާލެއަށް ނުވަތަ ރާއްޖެއިން ބޭރަށް ކުރަންޖެހޭ ދަތުރުތައް ނިމުމަކަށް ގެނައުމަކީ ސަރުކާރުގެ އަމާޒެކެވެ. މިކަމަށްޓަކައި ގިނަ ހޮސްޕިޓަލްތަކާއި ސިއްޙީ މަރުކަޒުތަކުގެ އައު ޢިމާރަތް ތަރައްޤީކުރުމާއި އަޕްގްރޭޑް ކުރުމުގެ އެކި މަސައްކަތް އެކި މަރުޙަލާގައި އަންނަނީ ކުރަމުންނެވެ.

1400 އެއްހާ މީހުންގެ އަބާދީއެއް އޮންނަ ހދ. ނެއްލައިދޫގައި ދެމުންދާ ސިއްޙީ ޚިދުމަތުގެ ފެންވަރު މަތިކުރުމަށްޓަކައި ކުރަމުންދާ މަސައްކަތުގެ ދަށުން ސިއްޙީ މަރުކަޒުގެ ޚިދުމަތްފުޅާކުރުމަށް ބޭނުންވާ ޖާގަ އިތުރުކުރުމަށް އައު ޢިމާރަތެއް ތަރައްޤީކުރުމަށް މިހާރުވަނީ ނިންމަވާފައެވެ.