logo
ޚަބަރު

މީހެއްގެ އަބުރު ނަގާލަން ފަޅި ސިކުންތެއްވެސް ނުނަގާ، މީޑިއާތައް ރެގިއުލޭޓް ކުރެވެން ޖެހޭ: މެމްބަރު ނިޒާރު

ޢައްފާން މުޙައްމަދު
27 އޯގަސްޓު 2025 - 05:24
ރައްޔިތުންގެ މަޖިލީހުގެ ފޭދޫ އުތުރު ދާއިރާގެ މެމްބަރު އިސްމާޢީލް ނިޒާރު -- ފޮޓޯ/ މަޖިލިސް
ރައްޔިތުންގެ މަޖިލީހުގެ ފޭދޫ އުތުރު ދާއިރާގެ މެމްބަރު އިސްމާޢީލް ނިޒާރު -- ފޮޓޯ/ މަޖިލިސް

ރާއްޖޭގައި އާންމު އުސޫލެއްގެ ގޮތުން މިހާރު މީހެއްގެ އަބުރު ކަތިލައި، އެ މީހާގެ ކަރާމާތް ގެއްލުވާލަން ފަޅި ސިކުންތެއް ވެސް ނުނަގާ ކަމަށާއި، މިފަދަ ސަބަބުތަކާ ހެދި މީޑިއާތައް ރެގިއުލޭޓްކުރުމަކީ ކޮންމެހެން ކުރަންޖެހޭކަމެއްކަމަށް ރައްޔިތުންގެ މަޖިލީހުގެ ފޭދޫ އުތުރު ދާއިރާގެ މެމްބަރު އިސްމާޢީލް ނިޒާރު ވިދާޅުވެއްޖެއެވެ.

މެމްބަރު ނިޒާރު މިހެން ވިދާޅުވީ، ތުޅާދޫ ދާއިރާގެ މެމްބަރު އަ 2025 ވަނަ އަހަރު ދައުރުން ބޭރުގައި ބާއްވާ ޚާއްޞަ ޖަލްސާގައި، އަބްދުލްޙަންނާން އަބޫބަކުރު ހުށަހަޅުއްވާފައިވާ، މޯލްޑިވްސް މީޑިއާ އެންޑް ބްރޯޑްކާސްޓިން ރެގިއުލޭޝަންގެ ބިލާ ގުޅޭގޮތުން ވާޙަކަދައްކަވަމުންނެވެ.

Ad by Hajj Corporation

Ad by Hajj Corporation

މެމްބަރު ނިޒާރު ވިދާޅުވީ، މިފަދަ ބިލެއް މަޖިލީހަށް އަންނަން ލަސްވެސް ވެއްޖެކަމަށާއި، އެހެން ވިދާޅުވާންޖެހޭ ބައިވަރު ސަބަބުތަކެއް އެބަހުރި ކަމަށެވެ. މެމްބަރު ވިދާޅުވީ، މީޑިއާތަކާއި، ސަރުކާރާއި މަޖިލިސް މެމްބަރުންނާ ދެމެދު އެއްވެސް މައްސަލައެއް ނެތްކަމަށާއި، މީޑިއާތަކާއި، ބްރޯޑްކާސްޓަރުންނަށް ވެސް މި ބިލުން، ހަގީގަތާ އެއްގޮތަށް، އެ ފަރާތްތަކުގެ ޝުއޫރު ފާޅުކޮށް، މައުލޫމާތު ފޯރުކޮށްދިނުމުގެ ފުރިހަމަ މިނިވަންކަން ލިބިދޭ ކަމަށެވެ.

މެމްބަރު ވިދާޅުވީ، އޭނާ ގަބޫލުކުރައްވާ ގޮތުގައި މި ބިލާއެކު، މީގެކުރިން އޮތް މިންވަރަށް ވުރެވެސް ބޮޑަށް، މީޑިއާތަކަށް މިނިވަންކަމާއެކު ޚަބަރު ޝާއިއުކޮށް، ކޮންޓެންޓް ހެދުމުގެ ފުރުސަތު ލިބިދޭކަމަށެވެ.

އެހެންނަމަވެސް، މިއަދު އުސޫލު އޮތްގޮތުން، ދިވެހިރައްޔިތެއްގެ އަބުރު ނަގާލަން ނަގަނީ ފަޅި ސިކުންތެއް ކަމަށާއި، އެހާ ކުޑަވަގުތުކޮޅެއްގެ ތެރޭގައި މީހާގެ އަބުރު ވެއްޔާ މޮޑެވިގެންދާ ކަމަށެވެ. އެކަން އެހެން ވުމުގެ ފުރުސަތު އޮވެގެން ނުވާނެކަމަށް މެމްބަރު ނިޒާރު ވިދާޅުވިއެވެ.

އިދިކޮޅު މެމްބަރުން، މި ބިލަކީ ސަރުކާރުން މީޑިއާތައް ކޮންޓްރޯލްކުރުމުގެ ބޭނުމުގައި ވައްދައިގެން އުޅޭ ބިލެއްކަމަށް ބުނި ނަމަވެސް ހަގީގަތަކީ އެއީ ނޫން ކަމަށް މެމްބަރު ވިދާޅުވިއެވެ.

ދިވެހި ރައްޔިތެއްގެ އަބުރު ނަގާލަން މިއަދު ނަގަނީ ފަޅި ސިކުންތެއް. ކުޑަ ވަގުތުކޮޅެއްގެ ތެރޭގައި މީހާގެ މުޅި އަބުރު ވެއްޔާ މޮޑެވިގެން އެބަދޭ. ކުށުގެ ވެށިން ފުލުހުން މީހަކު ހައްޔަރުކޮށްފައި ވެސް، އޭނާ ކުށްވެރިއަކަށް މިވަނީ އިންސާފުވެރި ޝަރީއަތެއް އޭނާގެ މައްޗަށް ހިނގައި، ޝަރުޢީ ކޯޓަކުން އޭނާ އެއީ ކުށްވެރިއެއްކަމުގައި ކަނޑައަޅައި ހުކުމްކުރާ ހިސާބުން. ނަމަވެސް ނޫސްވެރިކަން، މީޑިއާތައް، ބްރޯޑްކާސްޓަރުން މީހެއްގެ އަބުރު ނަގާލަން ފަޅި ސިކުންތެއް ވެސް ނުނަގާ. އިދިކޮޅު ފަރާތްތަކުން ވަރަށް ބޮޑަށް މި ބިލަކީ މީޑިއާތައް ކޮންޓްރޯލް ކުރާ ބިލެއްގެ ގޮތުގައި ވާހަކަދައްކަމުންދަނީ ކަނޑައެޅިގެން ހަގީގަތާ ޚިލާފަށް. ވަރަށް ސާފުކޮށް މީގަ ލިޔެފަ މިއޮތީ ރެގިއުލޭޓް. ރެގިއުލޭޓް ކުރުމާއި ކޮންޓްރޯލް ކުރުމަކީ ވަރަށް ތަފާތު ދެކަމެއް. މިކަން މި މަޖިލީހުގެ ބައެއް މެމްބަރުންނަށް އެނގިވަޑައިނުގަންނަވާތީ އެކަމާ އަޅުގަނޑު ހިތާމަކުރަން - ރައްޔިތުންގެ މަޖިލީހުގެ ފޭދޫ އުތުރު ދާއިރާގެ މެމްބަރު އިސްމާޢީލް ނިޒާރު

މީޑިއާ ރެގިއުލޭޓްކުރުމުގެ ބިލަކީ ސަރުކާރުން މީޑިއާތައް ކޮންޓްރޯލްކުރުމަށް ކުރަމުންދާކަމެއްގެ ގޮތުގައި އިދިކޮޅު މެމްބަރުން ދައްކަމުންދާ ވާހަކަތައް މެމްބަރު ނިޒާރު ދޮގުކުރެއްވިއިރު، މީޑިއާ ކޮންޓްރޯލް ކުރުމުގެ ޝައުގުވެރިކަމެއް ނުގެންގުޅުއްވާކަމަށާއި އެއީ އެއްވެސް އިރަކު އެމަނިކުފާނު ނުކުރައްވާނެ ކަމެއްކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ މިފަހުން ވިދާޅުވެފައެވެ.

ރައީސް ވިދާޅުވީ، އެމަނިކުފާނުގެ އެއްވެސް ކޮންޓްރޯލެއް އޮންނަ ގޮތަކަށް އެ ބިލް އެކުލަވައިލަން ބޭނުންފުޅު ނުވާ ކަމަށާއި،  ބިލު އިސްލާހުކުރަން ސަރުކާރު މެމްބަރުންގެ ކިބައިން އެދިވަޑައިގެންފައިވާނެ ކަމަށެވެ.

ރަޖިސްޓްރީކޮށްގެންނާއި ރަޖިސްޓްރީ ނުކޮށް ހިންގާ ބައެއް މީޑިއާތަކުން އެއްވެސް ހަގީގަތެއް ނެތް ވާހަކަތައް ފަތުރައި، އާންމު މަސްލަހަތު ގެއްލުވާލާ ގޮތަށް ޚަބަރު ޝާއިއުކުރާކަމަށް ބުނެ އާންމު ރައްޔިތުން ވެސް ކަންބޮޑުވުން ފާޅުކުރެއެވެ. މި ބިލުގައި، އެފަދަ ކަންކަން ކުރާ މީޑިއާތަކާއި ވަކިވަކި ނޫސްވެރިންނަށް ބޮޑެތި ފިޔަވަޅުތަކެއް އެޅޭ ގޮތަށް ހިމަނާފައިވެއެވެ. އެ ބިލުގައިވާ ގޮތުން، މީޑިއާ ކޮމިޝަނުން އެކުލަވާލާ ސުލޫކީ މިންގަނޑާ ޚިލާފުވާ ނޫސްވެރިންނާއި މީޑިއާތައް ބޮޑު އަދަދަކުން ޖޫރިމަނާކޮށް، ރަޖިސްޓްރީ ވެސް ބާތިލްކުރެވޭނެއެވެ.

Hajj Corpooration

Hajj Corpooration

ކޮމެންޓް

ގުޅުންހުރި ލިޔުންތައް

ޔާމީން ދެއްކި ކެންޑިޑޭޓަށް ލިބުނީ 10 ވޯޓު، މެމްބަރުކަން ލިބުނީ ޔާމީންގެ ފޮޓޯ ދައްކައިގެނެއްނޫން: ހަމީދުޚަބަރު | 19 ގަޑިއިރު ކުރިންމީޑިއާ ރެގިއުލޭޓްކުރާ ބިލަށް އާންމުންގެ ޚިޔާލު ހޯދަން ކޮމިޓީން ނިންމައިފިޚަބަރު | 3 ދުވަސް ކުރިންއެމްއެމްސީ އާއި ބްރޯޑްކޮމް އެއްކޮށްލުމުން ލިބޭނެ ރަނގަޅު ފައިދާތައް ފެނޭ: އިބްރާހީމް ޙުސައިންޚަބަރު | 3 ދުވަސް ކުރިންޖެހިޖެހިގެން ތިން އިންތިޚާބުން އެމްޑީޕީ ބަލިވީމަ ވެސް ކިޔަނީ ''ތާއީދެއް ނެތޭ": ޒަރީރުޚަބަރު | 3 ދުވަސް ކުރިން