"ފްރެންޑްލީ ފަޔަރ" އެއްގައި އިސްރާޢީލޭ ކިޔުނު ޔަހޫދީ ދައުލަތުގެ ނިރުބަވެރި ސިފައިންގެ މީހަކު މަރުވެއްޖެއެވެ.

"ފްރެންޑްލީ ފަޔަރ" އެއްގައި މީހަކު މަރުވުމަކީ، އެއް އަސްކަރިއްޔާއަކަށް ނިސްބަތްވާ ދެ މީހެއް ނުވަތަ ބައެއްގެ މެދުގައި، ގަސްތަކާއި ނުލައި ދެވޭ ހަމަލާއެއްގައި މީހަކު ނުވަތަ ބަޔަކު މަރުވުމެވެ.

Ad by Hajj Corporation

އިސްރާއީލު އަސްކަރިއްޔާއިން ބުނެފައިވާ ގޮތުގައި މިކަން ހިނގާފައި ވަނީ، ދެކުނު ޣައްޒާގެ ސަރަހައްދެއްގައެވެ.

އިސްރާއީލީ މީޑިއާ އައުޓްލެޓަކުން ރިޕޯޓުކޮށްފައިވާ ގޮތުގައި، މިކަމާ ގުޅިގެން ހިންގި އިނީޝަލް ތަޙުޤީޤުން ދައްކާގޮތުން، ޔަހޫދީ ސިފައިންގެ މީހާ މަރުވެފައި ވަނީ، އެ ސަރަހައްދުގައި ހުރި ޔަހޫދީ އަސްކަރިއްޔާގެ ފާރަ ޕޯސްޓެއްގައި ހުރި އެ އަސްކަރިއްޔާގެ އެހެން ސިފައިންގެ މީހެއްގެ ހަތިޔާރު އޮޅުމަކުން ޑިސްޗާޖުވެ، އިސްރާއީލް އަސްކަރިއްޔާގެ ލޮކިސްޓިކް ކޮންވޯއިއަކާ ދިމާލަށް ވަޒަން ޖެހުމުންނެވެ.

މަރުވެފައި ވަނީ އެރިއެލް ލުބްލިނަރު ކިޔާ މީހެކެވެ. ރިޕޯޓުތައް ބުނާގޮތުން އޭނާ އަކީ، 2023 ވަނަ އަހަރުގެ އޮކްޓޯބަރު މަހުން ފެށިގެން މިއަދާ ހަމައަށް، މިފަދަ ފްރެންޑްލީ ފަޔަރ ތަކުގައި މަރުވި 900 ވަނަ އިސްރާއީލްގެ ސިފައިންގެ މީހާއެވެ.

އަދި އޮޅިގެން ނުވަތަ ހެދޭ ގޯހެއްގެ ސަބަބުން ދެވޭ ހަމަލާތަކުގައި 1,998 އިސްރާއީލު ސިފައިން ޒަހަމްވެފައިވާކަމަށް ވެސް ރިޕޯޓުތައް ބުނެއެވެ.