އިސްރާއީލުގައި ކުރިއަށް ގެންދާ މުޒާހަރާތަކުގެ ތެރެއިން، މުޒާހަރާގެ ބައިވެރިން އެގައުމުގެ ބޮޑުވަޒީރު، ބެންޖަމިން ނަތަންޔާހޫ ދިރިއުޅޭ ގެ ކައިރީގައި އަލިފާން ރޯކޮށްލައިފިއެވެ.

މިއީ ނިރުބަވެރި އިސްރާއީލުން ފަލަސްތީނުގެ ޣައްޒާއަށް ދެމުން އަންނަ ހަމަލާތައް ހުއްޓާލައި، ގައިދީން ބަދަލުކުރުމުގެ މަސައްކަތް ކުރުމަށް ގޮވާލައި ކުރިއަށް ގެންދާ މުޒާހަރާތަކެކެވެ.

Ad by Hajj Corporation

މުޒާހަރާގެ ބައިވެރިން ރޯކޮށްލި އަލިފާންގަނޑު ކައިރި ސަރަހައްދުތަކަށް ފެތުރިފައިވާއިރު، ބައެއް ވެހިކަލްތަކަށް ގެއްލުންވެ، އާންމުންގެ ގިނަ ބަޔަކު އެމީހުންގެ ގެތައް ދޫކޮށް ދާން ޖެހުނު ކަމަށް ފުލުހުން ވަނީ ބުނެފައެވެ.

އިސްރާއީލުގެ ފުލުހުން ބުނީ، މުޒާހަރާގެ ނަމުގައި މިވަގުތު އިސްރާއީލުގައި ހިންގަމުން އަންނަ ޤާނޫނު ކުށެއް ކަމަށާއި މުޒާހަރާގެ ބައިވެރިން ނަތަންޔާހޫ ދިރިއުޅޭ ގެއާއި އޮފީސް ކައިރީގައި އަލިފާން ރޯކޮށްލާފައިވާ ކަމަށެވެ.

ގުދުސްގައި މުޒާހަރާގެ ބައިވެރިން އެއްވެފައިވާއިރު، މިއަދު ހަވީރު ވެސް ނަތަންޔާހޫ ދިރިއުޅޭ ގެ ބޭރުގައި މުޒާހަރާ ކުރުމަށް ވަނީ ގޮވާލާފައެވެ.