އެމެރިކާގެ ޑިޕާޓްމަންޓް އޮފް ހެލްތް އެންޑް ހިއުމަން ސަރވިސަސް (އެޗްއެޗްއެސް) ސެކްރެޓަރީ ރޮބަޓް އެފް. ކެނެޑީ ޖޫނިއަރގެ އިސްތިއުފާ އަށް ގޮވާލައި އެތަނުގެ 1000 އަށްވުރެ ގިނަ އެހާރާއި މިހާރުގެ މުވައްޒަފުންގެ ސިޓީ އެއް ހާމަކޮށްފިއެވެ.

މި ސިޓީ އާންމުކޮށްފައިވަނީ ކެނެޑީ، އެމްއާރްއެންއޭ ވެކްސިން އުފެއްދުމަށް ދޭ ފައިސާ މަދުކުރުމާއި، ވައިޓް ހައުސްއިން ސެންޓަރސް ފޯ ޑިޒީސް ކޮންޓްރޯލް އެންޑް ޕްރިވެންޝަންގެ ޑިރެކްޓަރު ސޫޒަން މޮނާރޭޒް ވަކިކުރުން ފަދަ މައްސަލަތަކާ ގުޅިގެން ދާދި ފަހުން ހިނގި މައްސަލަތަކާ ގުޅިގެންނެވެ.

Ad by Hajj Corporation

3 ސެޕްޓެމްބަރުގައި ހާމަކުރެވުނު، ކެނެޑީ އަދި ކޮންގްރެސްގެ މެމްބަރުންނަށް އެޑްރެސްކޮށްފައިވާ މި ސިޓީގައި ބުނެފައިވަނީ ސެކްރެޓަރީ "ޤައުމުގެ ސިއްހަތަށް ނުރައްކާވާ ގޮތަށް ޢަމަލުތައް ކުރަމުންދާ" ކަމަށެވެ.

"އަޅުގަނޑުމެންގެ ހުވައިގެ ދަށުން، ޤާނޫނު އަސާސީއާ ޚިލާފުވެ އެމެރިކާގެ ރައްޔިތުންނަށް ނުރައްކާވާ ކަންކަމާ ދެކޮޅަށް އަޑުއުފުލަން ޖެހޭ، އެހެންކަމުން، އަޅުގަނޑުމެން ރައީސަށާއި، ކޮންގްރެސްއަށާއި، އާންމު ރައްޔިތުންނަށް އިންޒާރުދެނީ ސެކްރެޓަރީ ކެނެޑީގެ ޢަމަލުތަކުން މި ޤައުމުގެ ސިއްހަތަށްެނުރައްކާވަމުންދާ ކަމަށް، އަދި އަޅުގަނޑުމެން ގޮވާލަނީ ސެކްރެޓަރީ ކެނެޑީ އިސްތިއުފާ ދިނުމަށް." " ސިޓީގައި ބުނެފައިވެއެވެ.

ކެނެޑީ އިސްތިއުފާ ނުދޭނަމަ، ސިޓީގައި ގޮވާލާފައިވަނީ ކޮންގްރެސްއާއި ރައީސް ޑޮނަލްޑް ޓްރަމްޕް އައު އެޗްއެޗްއެސް ސެކްރެޓަރީއެއް އައްޔަންކުރުމަށެވެ. އެއީ ޞިއްޙީ ސިޔާސަތުތައް އެކުލަވާލުމުގައި މުސްތަޤިއްލު އަދި ހަމަހަމަ ޕިއަރ-ރިވިއުޑް ސައިންސްގެ މައްޗަށް ބިނާކުރެވޭނެ ޤާބިލުކަމާއި ތަޖުރިބާ ހުރި ފަރާތެއް ކަމުގައިވާންވާނެކަމަށް ސިޓީގައި ބަޔާންކޮށްފައިވެއެވެ.