30 ގައުމަކުން އެމެރިކާއަށް ދަތުރުކުރުން މަނާ ކުރަން އެގައުމުން ނިންމައިފިއެވެ.

މިފިޔަވަޅު އަޅާފައިވަނީ އަފްޣާނިސްތާނުގެ މީހެއް ކަމަށް ބުނާ މީހަކު އެމެރިކާގެ ދެ ނޭޝަނަލް ގާޑު މެމްބަރުންނަށް ބަޑިޖެހި ހާދިސާއާގުޅިގެންކަމަށް ގާޑިއަން ނޫހުން ރިޕޯޓުކުރެއެވެ.

Ad by Hajj Corporation

އެމެރިކާގެ އިމިގްރޭޝަނުގެ ގަވާއިދުތައް ހަރުކަށިކުރާއިރު މި ފިޔަވަޅުތަކުގެ ސަބަބުން އެމެރިކާއަށް ދާ ފަތުރުވެރިން، ކިޔަވާ ދަރިވަރުން، އަދި ވިޔަފާރީގެ ބޭނުމަށް ދަތުރުކުރާ މީހުން ފަދަ ނޮން-އިމިގްރެންޓުންނަށް ވެސް ވަރަށް ބޮޑަށް އަސަރުކުރާނެއެވެ.

މިހާރުވެސް 19 ގައުމަކަށް އެމެރިކާއަށް އެތެރެވުމަށް ހުރަސްތައް އަޅާފައިވާއިރު އައު ލިސްޓާއެކު ގިނަ ގައުމުތަކެއް މި ލިސްޓުގެ ތެރެއަށް އިތުރުވެގެންދާނެއެވެ.

ކުރިން ފިޔަވަޅު އަޅާފައިވާ 19 ގައުމުގެ ތެރޭގައި އެފްޣާނިސްތާން، ބަރުމާ، ބުރުންޑީ، ޗާޑް، ކިއުބާ، ގިނީ، އެރިޓްރިއާ، ހެއިޓީ، އީރާން، ލާއޯސް، ލީބިއާ، ރިޕަބްލިކް އޮފް ދަ ކޮންގޯ، ސިއެރާ ލިއޯން، ސޯމާލިއާ، ސޫދާން، ޓޯގޯ، ތުރުކުމަނިސްތާން، ވެނެޒުއޭލާ އަދި ޔަމަން ހިމެނެއެވެ.

އައު ލިސްޓު ނެރޭނެ ތާރީހަކާއި އެ ލިސްތަށް އަމަލުކުރާނެ ވަގުތަކާއި އިތުރުވާނެ ގައުމުތަކެއް އަދި އެމެރިކާ ސަރުކާރުން ހާމަކޮށްފައެއްނުވެއެވެ.

މިހާރު ފިޔަވަޅު އަޅާފައިވާ 19 ގައުމުން ޔޫއެސް އަށް އައިސްފައިވާ މީހުންނަށް އިމިގްރޭޝަންގެ ޚިދުމަތްތައް ދިނުން ވެސް ވަގުތީ ގޮތުން މިހާރުވަނީ ހުއްޓާލާފައެވެ.