ވޯލްޑްކަޕް ކޮލިފިކޭޝަން ދެކުރުނު އެމެރިކާ (ކޮންމެބޮލް)ގައި ރޭގައި ހަތަރު މެޗު ކުޅެވިގެންދިޔައިރު، ބްރެޒިލް ވަނީ ޗިލީ 3-0 އިން ބަލިކޮށްފައެވެ.

ރެއާލް ގެ އެއްވެސް ކުޅުންތެރިއެއް ސްކޮޑަށް ނުނަގައި ރޭގައި ކުޅުނު މިމެޗުގެ ފުރަތަމަ ގޯލުޖަހައިދިނީ ޗެލްސީގެ ޒުވާން ކުޅުންތެރިޔާ އުމުރުން އެންމެ 18 އަހަރުގެ އެސްޓެވާއޯއެވެ. މީގެ އިތުރުން ބްރެޒިލްގެ ދެވަނަ ގޯލް ޕަކެޓާ ޖެހިއިރު، ތިންވަނަ ގޯލުޖެހީ ނިއުކާސަލްގެ ގިމަރައީސް އެވެ.

Ad by Hajj Corporation

ބްރެޒިލް މިވަގުތު ތާވަލުގެ ދެވަނައިގައި ވާއިރު، އެއްވަނައިގައިވާ އާޖެންޓީނާ ވަނީ ރޭގައި ވެނެޒުއޭލާގެ މަށްޗަށް 3-0 އިން ކުރި ހޯދާފައެވެ. ކުރިޔަށް އޮތް ވޯލްޑްކަޕަށްފަހު ރިޓަޔާކުރާނެ ކަމުގެ އިޝާރާތެއްކެޕްޓަން މެސީ މީގެކުރިން ދީފައިވާއިރު، މިއީ ވޯލްޑް ކަޕާ ހަމައަށް އާޖެންޓީނާގެ އަމިއްލަ ދަނޑުގައި އެޓީމު ކުޅޭނެ އެންމެ ފަހުމެޗެވެ. އެހެންކަމުން ރޭގެ މެޗަކީ އާޖެންޓީނާގެ ސަޕޯޓަރުންނަށްވެސް ޙާއްސަ މެޗެކެވެ.

މިމެޗުގައި މެސީގެ ފަރާތުން މޮޅުކުޅުމެއް ފެނިގެންގޮސްފައިވާއިރު، މެސީ ވަނީ ދެގޯލު ޖަހާފައެވެ. އަނެއް ގޯލު ކާމިޔާބުކޮށްފައިވަނީ ލަައުޓާރޯ މާޓީނޭޒް އެވެ. މިމެޗުގެ މޮޅުކުޅުންތެރިޔަކަށް ހޮވުނީ މެސީއެވެ.