މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ)ގެ ސީނިއަރ މެނޭޖަރ ޕަބްލިކް ރިލޭޝަންސްގެ މަގާމަށް މަޝްހޫރު ޕްރެޒެންޓަރ ޝިފްޒާ މުސްތަފާ ހަމަޖައްސައިފިއެވެ.

މިފްކޯއިން މިކަން އިއުލާންކޮށްފައިވަނީ މީސްމީޑިއާގައި ކުރި ޕޯސްޓެއްގައެވެ. އެ ޕޯސްޓުގައި ޝިފްޒާއަށް މަރުހަބާ ކިޔާފައިވެއެވެ.

Ad by Hajj Corporation

14 އަހަރަށްވުރެ ގިނަ ދުވަހުގެ މީޑިއާގެ ތަޖުރިބާ ލިބިވަޑައިގެންފައިވާ ޝިފްޒާއަކީ 2020 ވަނަ އަހަރުގެ ރެހެންދި އެވޯޑް ހާސިލުކުރައްވާފައިވާ ނޫސްވެރިއެކެވެ. އަދި މީޑިއާ ކައުންސިލްގެ މެންބަރުކަން ވެސް ކުރައްވާފައިވެއެވެ.

ޝިފްޒާ ވަނީ މި އަހަރު އިސްލާމިކް ޔުނިވަރސިޓީ އޮފް މޯލްޑިވްސް (އައިޔޫއެމް)އިން ބެޗްލަރ އޮފް ޝަރީޢާ އެންޑް ލޯ ވިތު އޮނާސް ހާސިލުކުރައްވާފައެވެ.

މިފްކޯގެ މި މަގާމާ ހަވާލުވެވަޑައިގަތުމުގެ ކުރިން ޝިފްޒާ އެންމެ ފަހުން މަސައްކަތް ކުރައްވާފައިވަނީ ސަންގު ޓީވީގައެވެ.