ބާސެލޯނާގެ 17 އަހަރުގެ ޒުވާން ކުޅުންތެރިޔާ ލަމީން ޔަމާލް މިދިޔަ ހަފްތާގައި އޭނާގެ ގާލްފްރެންޑް ނިކޯލް ގެއްލުނުތާ ދެތިން ދުވަހެއްގެ ތެރޭގައި އަނެއްކާ އޭނާގެ ޕާސްޕޯޓްވެސް ގެއްލިއްޖެއެވެ. ޔަމާލް ރޭގައި ވޯލްޑްކަޕް ކޮލިފައިން ކުޅެން ތުރުކިޔޭ އަށް ދިޔުމަށްފަހު އެނބުރި ގައުމަށް ދިޔުމަށްމަސައްކަތް ކުރުމުގެ ތެރޭގައި ޕާސްޕޯޓްގެއްލިގެން އުޅޭކަމުގެ ވީޑިއޯތައް މިހާރުވަނީ މީޑިޔާތަކަށް ލީކުވެފައެވެ.

Ad by Hajj Corporation

މީޑިޔާތަކުން ރިޕޯޓުކުރި ގޮތުގައި، ޔަމާލްގެ ޕާސްޕޯޓް ގެއްލުމާ ގުޅިގެން އަނބުރާ ދިއުމަށް ހަމަޖެހިފައިވާ ފްލައިޓުން އޭނާ އަށް ޤައުމަށް ދެވޭގޮތް ވަނީ ނުވެފައެވެ. މި ހާދިސާއާ ގުޅިގެން ޒުވާން ސްޕެއިން ކުޅުންތެރިޔާ ވަރަށް ބޮޑަށް ކަންބޮޑުވެފައިވާކަން މިވީޑިއޯތަކުން ފެނެއެވެ.

މި ވަގުތު ޒުވާން ކުޅުންތެރިޔާ ޖެހޭނީ އާ ޕާސްޕޯޓެއް ހަދައި ނިމެންދެން ޓާކީގައި މަޑުކުރާށެވެ. ބާސެލޯނާގެ އިސްވެރިން މިހާރު ދަނީ ޓާކީގެ ކަމާބެހޭ ފަރާތްތަކާއެކު މި މައްސަލަ ހައްލުކުރުމަށް މަސައްކަތްކުރަމުންނެވެ. އަދި އަންނަ ލަ ލީގާ މެޗަށް ޔަމާލް ކުޅެވޭނެކަމުގެ ޔަގީންކަން ކްލަބުން ދީފައިވެއެވެ.