ބާސެލޯނާގެ ޒުވާން ކުޅުންތެރިޔާ ލަމިން ޔަމާލް އާއި އާޖެންޓީނާގެ މަޝްހޫރު ލަވަކިޔުންތެރި ނިކީ ނިކޯލްގެ ގުޅުން ނިމުމަކަށް އައިސްފި ކަމަށް ލަފާކުރެވޭ ކަހަލަ ކަންތައްތަކެއް ފާހަގަކުރެވިއްޖެއެވެ. އަދި މިކަން ވަނީ ބައެއް ނޫސްތަކުން ރިޕޯޓްވެސް ކޮށްފައެވެ.

މި ދެ މަޝްހޫރު ތަރިން ގުޅުމެއް އޮތް ކަމަށް ޚަބަރުތައް ފެތުރެން ފެށީ ނިކީ ނިކޯލް ބާސެލޯނާގެ މެޗެއް ބަލަން ސްޓޭޑިއަމަށް ޒިޔާރަތްކުރި ފަހުންނެވެ. އޭގެ ފަހުން މި ދެ މީހުން އެކުގައި ގިނަ ފަހަރު ފެންނަމުން ދިޔައެވެ.

Ad by Hajj Corporation

Idol neymaa aa ehgothah Yamal lhafathugai dhandu beyrun goal jahan fashaifi | Mendhuru TvTikTokYouTubeInstagramXFacebook

ނިކީ ނިކޯލްގެ 25 ވަނަ އުފަން ދުވަހާ ގުޅިގެން ލަމިން ޔަމާލް ވަނީ އޭނާއާއެކު ނެގި ފޮޓޯއެއް އިންސްޓަގްރާމްގައި ޝާއިޢުކޮށްފައެވެ. މިކަމުން މި ދެމީހުންގެ ގުޅުން ހާމަވެގެން ދިޔައެވެ. އެއީ މީގެ ހަފްތާއެއް ކުރިންނެވެ. އަދި އުފަންދުވަހުގައި ނިކޯލް އަށް ފެރާރީއެއްވެސް ހަދިޔާއަކަށް ދިންތަން ސޯސަލް މީޑިޔާގައި ހުރި ފޮޓޯތަކުން ވަނީ އޭރު ހާމަވެފައެވެ.

ނަމަވެސް މިހާރު ލަމިން ޔަމާލްގެ އިންސްޓަގްރާމް އެކައުންޓުން ނިކީ ނިކޯލްއާއެކު ނަގާފައި ހުރި ހުރިހާ ފޮޓޯތަކެއް ވަނީ ޑިލީޓްކޮށްލާފައެވެ. މިކަމާ ގުޅިގެން ގިނަ ބަޔަކު ދަނީ މި ދެމީހުންގެ ގުޅުން ނިމުމަކަށް އައިސްފައިވާ ކަމަށް ލަފާކުރަމުންނެވެ. އަދި މިކަމަށް ބާރުދޭ ފޮޓޮއެއްވެސް ޔަމާލް ވަނީ މީގެ ކުރިން ދޫކޮށްލާފައެވެ.

މި މައްސަލައާ ގުޅޭގޮތުން މިހާތަނަށް ލަމިން ޔަމާލް އަދި ނިކީ ނިކޯލް އެއްވެސް އެއްޗެއް ބުނެފައެއް ނުވެއެވެ. ނަމަވެސް އިންސްޓަގްރާމުން ފޮޓޯތައް ޑިލީޓްކުރުމާ ގުޅިގެން ފޭންސްގެ މެދުގައި ދަނީ ތަފާތު ވާހަކަތައް ދެކެވެމުންނެވެ.