ބާސެލޯނާގެ ފޯވާޑް ލަމީން ޔަމާލް ޕޮޑްކާސްޓެއްގައި ބުނެފައިވަނީ އަންނަ އަހަރުގެ އެމެރިކާގައި ބާއްވާ ވޯލްޑްކަޕް ސްޕެއިނުން ކާމިޔާބުކުރާނެކަމަށެވެ. ޔަމާލް މިހެންބުނެފައިވާއިރު، ސްޕެއިނުން ވަނީއެއްވެސް މެޗަކުން ބަލިނުވެ ޔޫރޯ 2024 ގެ ޗެމްޕިއަންކަން ހޯދާފައެވެ.

ޔޫރޯ 2024 ގެ ތާޖު ހޯދުމަށްފަހު، ސްޕެއިން ޓީމަކީ 2026 ވަނަ އަހަރު ބާއްވާ ފީފާ ވޯލްޑް ކަޕްގެ އެންމެ ވަރުގަދަ ފޭވަރިޓުންގެ ތެރޭގައި ހިމެނޭ ޓީމެކެވެ. މި މުބާރާތަށް މަދު މަސްކޮޅަކަށް ވެފައި ވަނިކޮށް، ސްޕެއިންގެ ޒުވާން ތަރި ލަމީން ޔަމާލް ވަނީ އެ ޓީމުގެ ކާމިޔާބީއާ މެދު އޭނާގެ ފުރިހަމަ އިތުބާރު ހާމަކޮށްފައެވެ.

Ad by Hajj Corporation

މި މުބާރާތް އޮންނާނީ 2026 ވަނަ އަހަރުގެ ޖޫން 11 އިން ޖުލައި 19 އާ ދެމެދު އެމެރިކާ އާއި ކެނެޑާ އާއި މެކްސިކޯގައެވެ. ޔަމާލް ވަނީ ސީބީއެސް ސްޕޯޓްސްގެ '60 މިނިޓްސް' އަށް ދިން އިންޓަވިއުއެއްގައި ވަރަށް އިތުބާރުކަމާއެކު ޖަވާބު ދީފައެވެ.

ޔަމާލްގެ މި ބަސްތަކާއެކު، މުބާރާތުގެ އެހެން ވަރުގަދަ ޓީމުތަކަށް ކަމަށްވާ އާޖެންޓީނާ، ފްރާންސް، އިނގިރޭސިވިލާތް އަދި ޕޯޗުގަލް އަށް ވަނީ އިންޒާރުގެ ބަސްތަކެއް ފޮނުވާލެވިފައެވެ.