މޯލްޑިވްސް މީޑިއާ އެންޑް ބްރޯޑްކާސްޓިންގ ރެގިއުލޭޝަންގެ ބިލާ ގުޅޭގޮތުން މަޖިލީޙުގެ މިނިވަން މުވައްސަސާތަކާ ބެހޭ ކޮމިޓީގެ 32 ވަނަ ބައްދަލުވުމުން ނޫސްވެރިން ބޭރުކުރީ، ގަދަކަމުން ވަދެގަތުމުންކަމަށް މަޖިލީހުން ބުނެފިއެވެ.

މި ބައްދަލުވުމަށް 3 ނޫސްވެރިއަކު ވަނީ ގަދަކަމުން ވަދެފައެވެ.

Ad by Hajj Corporation

މި ބައްދަލުވުން ބާއްވާފައި ވަނީ ރައްޔިތުންގެ މަޖިލީހުގެ ގަވާއިދުގެ 167 ވަނަ މާއްދާގެ ދަށުން ސިއްރު ބައްދަލުވުމެއްގެ ގޮތުގައެވެ. ސިއްރު ބައްދަލުވުމެއްގައި ކޮމިޓީގެ މެންބަރުންނާއި ކޮމިޓީގެ ސެކްރެޓޭރިއެޓް ފިޔަވައި އިތުރުބަޔަކަށް އެ ބައްދަލުވުމުގައި ނުތިބެވޭނެއެވެ. އެ ކޮމިޓީގައި މައިގަނޑު މަސައްކަތަށް އޮތީ މީޑީއާތައް ކޮންޓްރޯލް ކުރެވޭ ބިލު ދިރާސާކުރުމެވެ.

މި ބައްދަލުވުމަށް ތިން ނޫސްވެރިއަކު ވަދެފައި ވަނީ، މި ބައްދަލުވުމަކީ ސިއްރު ބައްދަލުވުމެއްކަން އިންޓަރނަލް ސެކިއުރިޓީއިން އަންގާފައިވަނިކޮށް ، ގަދަކަމުން ކަމަށާއި، ކޮމިޓީކުރާ ކޮޓަރިން އެ 3 ނޫސްވެރިން ނެރެންޖެހުނީ ސިއްރު ބައްދަލުވުމަކަށް މަޖިލީހުގެ ގަވާއިދާ ޚިލާފަށް ވަދެ، އަޑުގަދަކޮށް، ކޮމިޓީ ކުރިއަށް ގެންދިޔުމަށް ހުރަސްއެޅުުމުން ކަމަށް މަޖިލިސް އިދާރާއިން ބުނެފައިވެއެވެ.

ފާހަގަކޮށްލަން ޖެހޭ ގޮތުގައި އަންގާރަ ދުވަހު ވެސް ހަމަ މިފަދައިން ނޫސްވެރިންތަކެއް އެ ބައްދަލުވުމަށް ވަދެފައިވެއެވެ. އެ ބައްދަލުވުމުން ނޫސްވެރިން ނުކުތް ނަމަވެސް، މިއަދުގެ ބައްދަލުވުމުގައި ނޫސްވެރިން ނުނިކުތުމުން، މަޖިލީހުގެ ސެކިއުރިޓީން ވަނީ އެ ނޫސްވެރިން ނެރެފައެވެ.

ފާހަގަކޮށްލެވޭ ގޮތުގައި ކޮމިޓީ ސިއްރުކުރުމުން އާންމު އުސޫލުން ނުކުންނަން ޖެހޭނެއެވެ. އެ ފަދައިން އަމަލުނުކުރާނަމަ ކޮމިޓީ މެދުކަނޑައިވެސްލައެވެ.