ސިޓީގެ އިއްތިހާދު ސްޓޭޑިއަމްގައި ކުޅެވުނު މެންޗެސްޓަރ ޑާބީގައި މެންޗެސްޓަރ ސިޓީން މެންޗެސްޓަރ ޔުނައިޓެޑް 3-0 އިން ބަލިކޮށްފިއެވެ. މި މެޗުގައި އާލިންގ ހާލަންޑް 2 ލަނޑު ޖަހައި، ފިލް ފޯޑެން ވަނީ ލަނޑެއް ޖަހާފައެވެ.

މެޗުގެ ފުރަތަމަހާފުގައިސިޓީގެ ޖެރެމީ ޑޮކޫގެ މޮޅުކުޅުން ވަރަށް ބޮޑަށް ފާހަގަވެގެންދިޔައެވެ. އެގޮތުން 18 ވަނަ މިނެޓްގައި ޑޮކޫގެ ކްރޮސްއަކުން ފޯޑެން ޖެހި ލަނޑުން ސިޓީ ވަނީ ލީޑު ނަގާފައެވެ.

Ad by Hajj Corporation

ދެވަނަ ހާފުގައި ހާލަންޑްގެ ހުނަރާއެކު ހާލަންޑް ވަނީ ދެގޯލުޖަހާފައެވެ. 53 ވަނަ މިނެޓްގައި ޑޮކޫގެ ޕާސްއަކުން ހާލަންޑް ޖެހި ލަނޑާއެކު ސިޓީގެ ލީޑު 2-0 އަށް ފުޅާވެގެންދިޔައެެވެ. އަދި އޭގެ 15 މިނެޓް ފަހުން ބާނާޑޯ ސިލްވާގެ ތްރޫ ބޯޅައަކުން ހާލަންޑް އިތުރު ލަނޑެއް ޖަހައި، މެޗުގެ ނަތީޖާ 3-0 އަށް ބަދަލުކުރި އެވެ.

މި މެޗާއެކު ހާލަންޑް ވަނީ ޕްރިމިއަރ ލީގުގައި ސިޓީގެ އަމިއްލަ ދަމޑުގައި 50 ލަނޑު ޖަހައިފަ އެވެ. މިއީ އޭނާ ސިޓީގެ ދަނޑުގައި ކުޅުނު 50 ވަނަ މެޗެވެ. މި ރެކޯޑަށްވުރެ ރަނގަޅު ރެކޯޑެއް ހާސިލުކޮށްފައި ވަނީ އެލަން ޝިއަރަރ އެކަނި އެވެ. ޝިއަރަރ 50 ލަނޑު ޖެހުމަށް ބޭުނުންވީ އެންމެ 47 މެޗެވެ.

މިމޮޅާއެކު ސިޓީ ވަނީ ލީގުގެ 8 ވަނައަށް އަރައިފަ އެވެ. އަދި ޔުނައިޓެޑް ވަނީ 14 ވަނަ އަށް ވެއްޓިފައެވެ. މިއީ މިދިޔަ ސީޒަނުގެ ބޮޑުބައެއް ޔުނައިޓެޑް ހޭދަުރި މަޤާމެވެ.