އެސްޓަން ވިލާގެ ފުލްބެކް މެޓީ ކޭޝް ފުރަތަމަ ހާފުގައި ޖެހި ހަމައެކަނި ގޯލާއެކު، ވިލާ ޕާކުގައި ކުޅުނު ޕްރިމިއާ ލީގުގެ މެޗުގައި މެންޗެސްޓަރ ސިޓީ ބަލިކޮށް އެސްޓަން ވިލާ މުހިންމު ތިން ޕޮއިންޓް ހޯދައިފިއެވެ. މި މޮޅާއެކު ވިލާއިން ޕްރިމިއާ ލީގުގައި ޖެހިޖެހިގެން ހަތަރު މެޗު ކާމިޔާބުކޮށްފިއެވެ.

މިއީ ސިޓީ އަށް އޮގަސްޓް މަހުގެ ފަހުކޮޅު ބްރައިޓަން އަތުން 2-1 ގެ ނަތީޖާއަކުން ބަލިވި ފަހުން މިއީ ލީގުގައި ލިބުނު ފުރަތަމަ ބައްޔެވެ. ކޭޝްގެ ގޯލަށްފަހު މާގިނައިރުތަކެއް ނުވެ ގޯލު ޖަހާނެ ރަނުގެ ފުރުސަތެއް އާލިން ހާލަންޑް ގެއްލުވާލިއެވެ. މެޗުގެ 19 ވަނަ މިނެޓުގައި އެމިލިއާނޯ ނަގައިދިން ކޯނަރަކަށްފަހު، ކޭޝް ވަނީ އޭރިޔާގެ ބޭރުން ވަރުގަދަ ހަމަލާއެއް ފޮނުވާލައި ގޯލު ކާމިޔާބުކޮށްފައެވެ.

Ad by Hajj Corporation

މި މޮޅާއެކު ވިލާއިން ވަނީ ސިޓީއާ ދެކޮޅަށް ޖެހިޖެހިގެން ތިން ހޯމް ޕްރިމިއާ ލީގު މެޗު ކާމިޔާބުކޮށްފައެވެ. މި ބައްޔާއެކު ސިޓީ މިވަގުތު އޮއީ މެންޗެސްޓަރ ޔުނައިޓެޑާއި ޕޮއިންޓްގެ ގޮތުން އެއްވަރުވެ، ފައިދާގޯލުގެ ތަފާތުން ތާވަލުގެ ތިންވަނައިގައެވެ.