މިދިޔަ ހޮނިހިރު ދުވަހު ކުޅުނު ރިއަލް ސޮސިއެޑާޑް އާއި ރިއަލް މެޑްރިޑްގެ މެޗުން މެޑްރިޑް 2-1 އިން މޮޅުވި ނަމަވެސް، މެޗުގައި ރެފްރީ ނިންމި ނިންމުމަކާ ގުޅިގެން ބޮޑު ސުވާލުމާކުތަކެއް ކުރިމަތިވެއްޖެއެވެ.

މެޗުގެ 32 ވަނަ މިނެޓްގައި ރިއަލް މެޑްރިޑްގެ 20 އަހަރުގެ ޑިފެންޑަރު ޑީން ހުއިސެން ކުރި ފައުލަކާއި ގުޅިގެން ރެފްރީ ޖިލް މަންޒާނޯ ވަނީ ޑައިރެކްޓް ރަތް ކާޑެއް ދައްކާފައެވެ. މިއީ ގޯލް ޖެހުމުގެ ސާފު ފުރުސަތެއް ނަގާލުމުގެ ކުށުގައި "ލާސްޓް މޭން" ގެ ގޮތުގައި ހުރެ ކުރި ކުށަކަށް ނިންމައި އޭރު ދެއްކި ކާޑެކެވެ.

Ad by Hajj Corporation

ނަމަވެސް، މެޗުގެ ރީޕްލޭތަކުން ދައްކާގޮތުގައި ބްރެޒިލްގެ ސެންޓަރު ބެކް އެދަރް މިލިޓާއޯ ކައިރީގައި ހުރިކަން ފާހަގަކުރެވުނެވެ. އެހެންކަމުން ހުއިޖްސެންއަކީ އެންމެ ފަހު ޑިފެންޑަރެއް ނޫނެވެ. މެޗަށްފަހު ކޯޗު ޒާބީ އަލޮންސޯ ވިދާޅުވީ މިއީ ރަތް ކާޑެއް ދޭންޖެހޭ ހާލަތެއް ނޫން ކަމަށެވެ. "މިލިޓާއޯ ކައިރީގައި ހުރި، އަދި ބޯޅަ ފުލް ކޮންޓްރޯލްގައި ނެތް. މިއީ ހަމައެކަނި ރީނދޫ ކާޑެއް ދޭންޖެހޭ ހާލަތެއް،" އޭނާ ވިދާޅުވިއެވެ.

ސްޕެއިންގެ ރެފްރީ ކޮމިޓީން މިހާރުވަނީ މަންޒާނޯގެ ނިންމުމަކީ ކުށް ނިންމުމެއްކަން ޤަބޫލުކޮށްފައެވެ. މީގެ އިތުރުން، ވީއޭއާރު އޮފިޝަލް ފިގުއެރޯއާ ވާޒްކުއެޒް މިކަމުގައި އިންޓަވީންނުވުމުގެ ސަބަބުން އޭނާއަށް ސަސްޕެންޝަނެއް ކުރިމަތިވެދާނެ ކަމަށް ބެލެވެއެވެ.

މި ރަތްކާޑާއި ގުޅިގެން ހުއިސެން އަށް އެއް މެޗުގެ ސަސްޕެންޝަނެއް ކުރިމަތިވާނެއެވެ.