ސްޕެނިޝް ލަލީގާގެ މެޗްޑޭ 4 ގައި ރެއާލް މެޑްރިޑް ރެއާލް ސޮސިޑާޑް ގެ މައްޗަށް އުނދަގޫ މޮޅެއް ހޯދައިިފިއެވެ. މިމޮޅާއެކު މިދެޓީމު އެންމެ ފަހުން ކުޅުނު 14 މެޗުން ސޮސިޑާޑް އަށް މޮޅުވެވިފައިވަނީ އެންމެ މެޗަކުންނެވެ. 10 ކުޅުންތެރިންނާއެކު މެޗުގެ ބޮޑުބައެއް ކުޅުނު ރެއާލް އިން މިމެޗު ކާމިޔާޞުކުރީ 2-1 އިންނެވެ.

ސޮސިޑާޑްގެ އަމިއްލަ ދަނޑުގައި ކުޅުނު މިމެޗުގެ 32 ވަނަ މިނެޓުގައި ރެއާލް ގެ ހައުސެން އަށް ވަނީ ރަތްކާޑު ދައްކާ، ދަނޑުން ފޮނުވާލާފައެވެ.

Ad by Hajj Corporation

މި މެޗުގެ ފުރަތަމަ ގޯލުޖަހައި ކުރިހޯދީ ރެއާލް މެޑްރިޑުންނެވެ. މެޗުގެ 12 ވަނަ މިނެޓުގައި އެމްބާއްޕޭ ވަނީ މެޗުގެ ފުރަތަމަ ގޯލުޖަހާފައެވެ. އަދި ރަތްކާޑު ދެއްކިތާ 10 މިނެޓުފަހުން އެމްބާއްޕޭގެ އެސިސްޓާއެކު އަރދާ ގުލާ ވަނީ ދެވަނަ ގޯލުޖަހާފައެވެ. ފުރަތަމަ ހާފު ނިމުނީ 2-0 އިން ރެއާލް ކުރީގައި އޮވެގެންނެވެ.

ދެވަނަ ހާފުގައި 56 ވަނަ މިނެޓުގައި ރެއާލްގެ ޑިފެންޑަރ ކަރަވަހާލް ގެ އަތުގައި ޖެހުނު ބޯޅައަކުން ލިބުނު ޕެނަލްޓީއެއްގައި ސޮސިޑާޑް ގޯލުޖަހައި ރެއާލް އަށް ޕްރެޝަރު ކުރަން ފެށިއެވެ. ނަމަވެސް އެކަކު މަދުކޮށް ކުޅުނު ރެއާލް އިން ވަނީ މެޗު ކާމިޔާބުކޮށް، މި ސީޒަނުގައި މިހާތަނަށް ކުޅުނު 4 މެޗުން 12 ޕޮއިންޓް ހޯދާފައެވެ ތާވަލުގެ ދެވަނައިގައިވާ އެތްލެޓިކް ކުލަބް މިވަގުތު އޮތީ 9 ޕޮއިންޓާއެކު ތާވަލުގެ ދެވަނައިގައެވެ. އަދި ވާދަވެރި ބާސެލޯނާ މިވަގުތު އޮތީ އެއްމެޗު މަދުންކުޅެ، 7 ޕޮއިންޓާއެކު ތާވަލުގެ 17 ވަނައިގައެވެ.

ރޭގެ އެމްބާއްޕޭގެ ގޯލު އަދި އެސިސްޓާއެކު، މިސީޒަނުގައި މިހާތަނަށް ކުޅުނު 6 މެޗުން އެމްބާއްޕޭ ވަނީ 6 ގޯލާއެކު 2 އެސިސްޓްހަދާފައެވެ. އެމްބާއްޕޭ ވަނީ މިހާތަނަށް ލަލީގާގައި ކުޅުނު 38 މެޗުން 35 ގޯލުޖަހާފައެވެ.