އިސްލާމީ ކަންތައްތަކާ ބެހޭ ވުޒާރާއިން ރިސާލަތު ޕްރޮގުރާމް 2 ރަށެއްގައި ކުރިއަށް ގެންގޮސްފިއެެވެ.

މި ޕްރޮގަރާމް ބާއްވާފައިވަނީ، ކ. މާފުށީގެ އިތުރުން އދ. ދަނގެތީގައެވެ.

Ad by Hajj Corporation

'އިސްލާމްދީނާއި އިސްލާމީ ޝަރީޢަތް' މި މަޢުޟޫއަށް މާފުށީގެ މުއައްސަސާތަކުގެ މުވައްޒަފުންނާއި ސްކޫލް ދަރިވަރުން އަދި ބެލެނިވެރިންނަށް ހާއްސަކޮށް ކުރިއަށް ގެންދެވުނު ދަންފަޅި ނަންގަވައިދެއްވީ އިސްލާމީކަންތައްތަކާ ބެހޭ ވުޒާރާގެ ވާޢިޡް އައްޝައިޚް ޢާޒިމް ޚާލިދުއެވެ.

އަދި ދަނގެތީ ސްކޫލް ދަރިވަރުންނަށާއި ބެލެނިވެރިންނަށް އަދި މުއައްސަސާތަކުގެ މުވައްޒަފުންނަށްވެސް ވަނީ މި ދެ ޕްރޮގުރާމުގެ ދަންފަޅިތައް ކުރިއަށް ގެންގޮސްފައެވެ. މި ދަންފަޅިތައް ނަންގަވައިދެއްވީ އައްޝައިހް އަހްމަދު ފަޒާދު ފާއިޒް އަދި އައްޝައިހް އަޙްމަދު އަޒުހާނުއެވެ.

އިސްލާމީކަންތައްތަކާ ބެހޭ ވުޒާރާއިން ކުރިއަށް ގެންދާ ރިސާލަތު ޕްރޮގުރާމަކީ އާއްމުންގެ މެދުގައި ދީނީ ހޭލުންތެރިކަން އިތުރުކޮށް ދީނީ ޞައްޙަ މަޢުލޫމާތު ފޯރުކޮށްދިނުމުގެ މަޤުސަދުގައި ވަރަށް އިސްކަމެއް ދީގެން ކުރިއަށް ގެންދާ ޕްރޮގުރާމެކެވެ. އަދި ނަމާދު ޕްރޮގުރާމަކީ ނަމާދަށް ހޭލުންތެރި މުޖުތަމަޢުއެއް އުފެއްދުމުގެ މަޤުސަދުގައި މިއަހަރުން ފެށިގެން ކުރިއަށް ގެންދާ ޕްރޮގުރާމެކެވެ.