ހއ. ދިއްދޫގެ މެގަ ހޯރަ ބޯޓު ރޭގެ ވަގުތެއްގައި ނ. އަތޮޅު ފަރަކަށް އަރައިފިއެވެ.

މި ހާދިސާ ހިނގި ވަގުތު އެ އުޅަނދުގައި 61 ފަސިންޖަރުން ތިބިކަމަށް މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން މަޢުލޫމާތު ދީފައިވެއެވެ.

Ad by Hajj Corporation

އެމްއެންޑީއެފުން ދިން މަޢުލޫމާތުގައިވާ ގޮތުން، މިއީ 98 ފޫޓުގެ މި އުޅަނދެކެވެ.

އެމްއެންޑީއެފުން ބުނީ މި ހާދިސާއާ ގުޅިގެން އެ އުޅަނދަށް އެހީތެރިކަން ފޯރުކޮށްދިނުމުގެ މަސައްކަތް ވަނީ ފަށާފައި ކަމަށެވެ. މި ގޮތުން އެމްއެންޑީއެފް ނޮދަން އޭރިއާ ކޮމާންޑާއި، ކޯސްޓްގާޑު ފަސްޓް ސްކޮޑްރަންގެ ހާބަރކްރާފްޓް ލޯންޗެއް ޑައިވަރުންނާއެކު އެ ސަރަހައްދުގައި މިހާރު ދަނީ ހަރަކާތްތެރިވަމުންނެވެ.

މީގެއިތުރުން ކޯސްޓްގާޑް ޝިޕް ޝަހީދު ޢަލީ ވެސް އެ ސަރަހައްދަށް ފޮނުވާފައިވާ ކަމަށް އެމްއެންޑީއެފުން މަޢުލޫމާތު ދީފައިވެއެވެ. އަދި އުޅަނދުގައި ތިބި ފަސިންޖަރުންގެ ރައްކާތެރިކަން ކަށަވަރުކުރުމަށް އަޅަންޖެހޭ ފިޔަވަޅުތައް އަޅަމުންދާ ކަމަށްވެސް އެމްއެންޑީއެފުން ބުނެފައިވެއެވެ.

މި ބޯޓަކީ އާންމުކޮށް ދިއްދޫ، ވަށަފަރު އަދި ހަނިމާދޫ އާއި މާލެ އާއި ދެމެދު ދަތުރުކުފަމުން އަންނަ އުޅަނދެކެވެ.