އާސެނަލްގެ އެޓޭކަރ ނޯނީ މަޑުއެކޭގެ ކަކުލަށް ލިބުނު އަނިޔާއާ ގުޅިގެން 2 މަސް ދުވަހުގެ މުއްދަތަށް ކުޅުމުން މަޙުރޫމްވެއްޖެކަމަށް ޑޭވިޑް އޯންސްޓީން ވަނީ ހާމަކޮށްފައެވެ.

23 އަހަރުގެ މި ކުޅުންތެރިޔާއަށް މި އަނިޔާ ލިބިފައިވަނީ މެންޗެސްޓަރ ސިޓީއާ ދެކޮޅަށް ކުޅުނު މެޗުގައެވެ. އެ މެޗުގައި މަދުއެކީ ފުރަތަމަ ހާފުގައި ކުޅެ، ދެވަނަ ހާފަށް ބުކާޔޯ ސަކާ ވަނީ ބަދަލުކޮށްފައެވެ.

Ad by Hajj Corporation

މަޑުއެކޭ އަކީ އާސެނަލްގެ ފޯވަޑް ލައިންގައި ތިބި ކުޅުންތެރިންގެ ތެރެއިން އަނިޔާގެ ލިސްޓަށް އެންމެ ފަހުން އިތުރުވި ކުޅުންތެރިޔާއެވެ. . މީގެ ކުރިން ކައި ހަވާޓްޒްގެ ކަކުލަށް އަނިޔާވެ، އޯގަސްޓް މަހުގެ ފަހުކޮޅު ސަރޖަރީއެއް ހަދަންޖެހުނެވެ. އަދި ގެބްރިއެލް ޖީސަސްގެ ކަކުލުގެ އޭސީއެލް ކެނޑި، ޖެނުއަރީ މަހު ސަރޖަރީއެއް ހަދަންޖެހުނެވެ.

މި ހުރިހާ ކުޅުންތެރިން އަނިޔާވުމާ ގުޅިގެން، މި މޫސުމުގައި ޓީމާ ގުޅުނު ވިކްޓަރ ގިއޯކެރެސްއަކީ މިވަގުތު ޓީމުގައި ހުރި ހަމައެކަނި ނަންބަރު 9 ޕޮޒިޝަންގެ ކުޅުންތެރިޔާއެވެ.

މި އަނިޔާތަކަކީ އާސެނަލްގެ ޕްރިމިއަރ ލީގު ޗެމްޕިއަންޝިޕް ވާދައަށް ބޮޑު ހުރަހަކަށް ވެދާނެ ކަމެއްކަމަށް ފުޓްބޯޅައިގެ މާހިރުން ލަފާކުރެއެވެ.