ޣާއްޒާއާ ދެކޮޅަށް އިސްރާއީލުން ކުރަމުންދާ ހަނގުރާމައާ ދެކޮޅަށް ދެކުނު އެފްރިކާގެ ކޭޕްޓައުންގައި މުޒާހަރާކުރުމަށް ގިނަ އަދަދެއްގެ ބަޔަކު އެއްވެ، އިސްރާއީލާ ގުޅުން ކަނޑާލުމަށް ގޮވައިފިއެވެ.

މުޒާހަރާ އިންތިޒާމުކުރި ފަރާތްތަކުން ބުނާ ގޮތުގައި، ދެކުނު އެފްރިކާގެ ވެރިރަށް ޕްރިޓޯރިއާގައި ހުރި އިސްރާއީލުގެ އެމްބަސީ ބަންދުކުރުން ހިމެނޭ ގޮތަށް، ދެކުނު އެފްރިކާގެ ސަރުކާރުން އަވަސް ފިޔަވަޅުތަކެއް އެޅުމަށް އެމީހުން ވަނީ ގޮވާފައެވެ.

Ad by Hajj Corporation

އަލްޖަޒީރާގެ ނޫސްވެރިޔާ ފަހްމިދާ މިލަރ ކޭޕްޓައުނުން ރިޕޯޓުކުރި ގޮތުގައި، މިއީ ދެކުނު އެފްރިކާގައި ބޭއްވުނު އެންމެ ބޮޑެތި މުޒާހަރާތަކުގެ ތެރެއިން އެއް މުޒާހަރާއެވެ. އަދި މިފަދަ އެތައް މުޒާހަރާއެއް ބޭއްވިފައިވާއިރު، ނަމަވެސް މިފަހަރު މީހުން ވަނީ ކުރިއަށްވުރެ ބޮޑަށް އެމީހުންގެ ނިންމުމުގެ އަޑު އުފުލާފައެވެ.

''އެމީހުން ވަނ ީ އެމީހުންގެ ނިންމުން އިއްވާފައި، އެމީހުންގެ ގޮވާލުމުގައި އިސްރާއީލާއި ގުޅުން ކަނޑާލުމަށާއި، ވެރިރަށް ޕްރިޓޯރިއާގައި ހުރި އިސްރާއީލުގެ އެމްބަސީ ބަންދުކުރުން ހިމެނޭ، އެމީހުން ބޭނުންވަނީ އެމީހުންގެ އަޑު އިވުމަށް، އެމީހުން ވަނީ ޕާލަމެންޓު އިމާރާތާ ހަމައަށް މާރޗްކޮށްފައި، އެމީހުން ބޭނުންވަނީ ދެކުނު އެފްރިކާގެ ސަރުކާރުން މިކަމަށް ސަމާލުކަން ދިނުމަށް." ކޭޕްޓައުންގައި ހުންނަ އަލްޖަޒީރާގެ ނޫސްވެރިޔާ ފަހްމިދާ މިލަރ ބުނެފަވެއެވެ.

"މިތަނުގައި ތިބި މީހުން ބޭނުންވަނީ އިތުރު ކަންތައްތަކެއް ކުރުމަށް، އެމީހުން ބޭނުންވަނީ ދެކުނު އެފްރިކާއިން އިސްރާއީލާއެކު އޮތް އިޤްތިޞާދީ ގުޅުން ކަނޑާލުމަށް، ދެކުނު އެފްރިކާއިން އަދިވެސް އިސްރާއީލަށް ގިނަ އަދަދެއްގެ މުދާ އެކްސްޕޯޓުކުރޭ، އަދި މިތަނުގައި ތިބި މީހުން ބުނާ ގޮތުގައި މިއީ ނަސްލު ހަލާކުކުރުމަށް ހިތްވަރުދޭ ކަމެއް." މިލަރ އިތުރަށް ބުނެފަވެއެވެ.

އިންޓަރނޭޝަނަލް ކޯޓު އޮފް ޖަސްޓިސް (އައިސީޖޭ) ގައި އިސްރާއީލާ ދެކޮޅަށް ނަސްލު ނައްތާލުމުގެ މައްސަލައެއް ހުށަހެޅުމުގައި ދެކުނު އެފްރިކާއިން ވަނީ އިސް ދައުރެއް އަދާކޮށްފައެވެ.