ޣައްޒާގެ ހިސާރު ނައްތާލައި އެ ސަހަރުގައި ހާލުގައި ޖައްސާފައިވާ މުސްލިމުންނަށް އިންސާނީ އެހީތެރިކަން ފޯރުކޮށްދިނުމުގެ މަޤުޞަދުގައި ދަތުރު ކުރަމުންދާ 'ގްލޯބަލް ޞުމޫދް ފްލޮޓިއްލާ'ގެ ނަންދީފައިވާ ހަރަކާތުގެ އުޅަނދުތައް ރީނދޫ ޒޯން ހުރަސްކޮށްފިއެވެެ.

ޞުމޫދް ފްލޮޓިއްލާގެ އުޅަނދުތައް ޣައްޒާއަށް ދަތުރު ފަށާފައި ވަނީ މި ހިނގާ ސެޕްޓެންބަރު މަހުގެ ކުރީކޮޅެވެ.

Ad by Hajj Corporation

އެހިސާބުން ފެށިގެން ޔަހޫދީންގެ އަސްކަރިއްޔާއިން ވަނީ ހަރަކާތުގެ ބައިވެރިންނަށް އިންޒާރުދީ ބިރުދައްކައި ބައެއް އުޅަނދުތަކަށް ހަމަލާވެސް ދީފައެވެ.

އެހެންނަމަވެސް ޔަހޫދީންގެ އިންޒާރުތަކަށް ބީރު ކަންފަތެއްދިނުމަށްފަހު ގްލޯބަލް ސުމޫދު ފްލޮޓިލާ އުޅަނދުތައް ވަނީ ރީނދޫ ޒޯން ހުރަސްކޮށްފައެވެ.

އަދި އަންނަ ބުރާސްފަތި ހިސާބުގައި ރެޑް ލައިން ހުރަސްކުރެވޭނެކަމަށް އެ ހަރަކާތުން ބުނެއެވެ.

ޞުމޫދް ފްލޮޓިއްލާގައި 40އެއްހާ އުޅަނދު ހިމެނޭއިރު އުޅަނދުތަކުގައި ޣައްޒާއަށް ދަތުރު ކުރާ މީހުންގެ ތެރޭގައި އިންސާނީ ޙައްޤުތަކަށް ވަކާލާތު ކުރާ އެކްޓިވިސްޓުންނާއި، ވިލާތުގެ ޤައުމުތަކުގެ ޤާނޫނު ހަދާ މަޖިލީހުގެ ބައެއް މެންބަރުން ހިމެނެއެވެ.

މިހާރުވެސް އެ އުޅަނދުތައް އޮތީ ޔަހޫދީންގެ ހަމަލާއެއް އަމާޒުވެދާނެފަދަ ހިސާބެއްގައިކަމަށްވާތީ އެ އުޅަނދުތަކުގެ ޙިމާޔަތާއި ރައްކާތެރިކަން ކަށަވަރު ކޮށްދިނުމަށް ސްޕެއިނާއި، އިޓަލީވިލާތުގެ އިތުރުން ގްރީސާއި ތުރުކީ ވިލާތުން ދަނީ އަސްކަރީ އެހީ ފޯރުކޮށްދެމުންނެވެ.

އެ އުޅަނދުތައް މި ވަގުތު ދަތުރު ކުރަމުން ދަނީ މެޑިޓެރޭނިޔަން ކަނޑުން އިރަށެވެ. އެއާއެކު ޔަހޫދީން އަންނަނީ ޢައްޒާގެ ކަނޑުގެ ސަރަހައްދަށް ނުވަނުމަށް އިންޒާރު ދެމުންނެވެ.