މީގެ ދެ އަހަރު ކުރިން ފެށި ޣައްޒާ ހަނގުރާމައިގެ ތެރޭގައި އަސީރުންގެ ގޮތުގައި ހައްޔަރުކޮށްފައި ތިބި މީހުންގެ ތެރެއިން މިހާރު ބާކީ ތިބި 20 މީހުންވެސް ހަމާސްއިން މިނިވަންކޮށްފިއެވެ.

ޔަހޫދީންގެ އަނިޔާވެރިކަމަށް ކެތް ނުކުރެވިގެން އޮކްޓޯބަރު 7، 2023 ގައި ހަމާސް އިން ޔަހޫދީންނަށް ދިން ހަމަލާތަކުގައި 250 އަށް ވުރެ ގިނަ މީހުން އަސީރުންގެ ގޮތުގައި ގެންދިޔަ އެވެ.

Ad by Hajj Corporation

ހަމާސްއިން ރަހީނުކޮށްފައިވާ 20 މީހަކު މިއަދު ރެޑްކްރޮސްއާ ހަވާލުކޮށްފައިވާއިރު އެމީހުން މިހާރުވަނީ ޔަހޫދީ ސަރުކާރާ ހަވާލުކޮށްފައެވެ. ހަމާސްއިން ރަހީނުކޮށްފައިތިބި މީހުން މިނިވަން ކޮށްފައިވަނީ ދެ ބުރަކަށް ބަހާލައިގެންނެވެ. އެގޮތުން ފުރަތަމަ ބުރުގައި 7 މީހުން އަދި އޭގެފަހުން 13 މީހުން ވަނީ މިނިވަންކޮށްފަ އެވެ.

މި މީހުންގެ ބަދަލުގައި ޔަހޫދީ ޖަލުތަކުގައި ހައްޔަރުކޮށްފައިވާ ފަލަސްތީނުގެ ގާތްގަނޑަކަށް 2،000 މުސްލިމުން މިނިވަންކުރަންވަނީ އެއްބަސްވެވިފައެވެ.

ރަހީނުންނާއި އަސީރުން މިނިވަންކުރުމުގެ މަރުހަލާތައް ކުރިއަށްދާއިރު އެމެރިކާގެ ރައީސް ޑޮނަލްޑް ޓްރަމްޕްޓް މިހާރު ހުރީ އިސްރާއީލުގައެވެ.

ޣައްޒާ ހަނގުރާމަ ހުއްޓުމަކަށް ގެނެވިފައި ވަނީ، ޔަހޫދީންގެ އަނިޔާވެރި ހަމަލާތަކުގައި 67,000އަށްވުރެ ގިނަ މީހުން ޝަހީދުކޮށްލި ފަހުންނެވެ. އަދި ހަނގުރާމައިގައި 170,066 މީހުން ޒަޚަމްވެފައިވެ އެވެ.