ހައްދުފަހަނަ އަޅާފައިވާ ޖައްބާރު ޔަހޫދީންގެ އަނިޔާވެރިކަމުގެ ޝިކާރައަކަށްވެ، 2024 ވަނަ އަހަރުގެ ޖަނަވަރީ މަހުގެ 29 ވަނަ ދުވަހު ޝަހީދުވި ޢުމުރުން އެންމެ ފަސް އަހަރުގެ ހަނދާނުގައި، ސްޕެއިންގެ ބާސެލޯނާގައި ހިންދުގެ ފޮޓޮއަކާއެކު ވަރުގަދަ މެސެޖެއް ދީފިއެވެ.

7 އޮކްޓޫބަރު 2023 ގައި ޙަމާސްއިން ޔަހޫދީ ދައުލަތުގެ "ބަލި ނުކުރެވޭނެ" ދިފާޢީ ނިޒާމު ފޫއަޅުވާލުމަށްފަހު ދިން ވަރުގަދަ ޙަމަލާތަކުގައި ޔަހޫދީން ކުރިއަށް ގެންދިޔަ ޤަތުލުޢާންމުތަކުގެ ތެރެއިން ކުރިއަށްގެންދިޔަ ހަރަކާތެއްގައި، ތުއްތު ހިންދުގެ ބޮޑުދައިތަ އާއި ބޮޑުބޭބެގެ އިތުރުން ދެބެއިންގެ ދެދަރި ތިންކުދިންނާއެކު ކާރެއްގެ ތެރޭ ހައްޔަރުވެ، ފަލަސްޠީނުގެ ފުރަތަމަ އެހީ ފޯރުކޮށްދޭ އިދާރާތަކަށް ގުޅައިގެން އެހީއަށް އެދި އާދޭސްކުރުމުގައި އެތައް ގަޑިއިރެއް ހިންދު ހޭދަކުރިއެވެ. އޭރުވެސް، ހިންދު އާއެކު ދެންތިބި އެކެއްގެވެސް ފުރާނައެއް ނެތެވެ.

Ad by Hajj Corporation

އެތައް ގަޑިއިރެއް ފަހުން، ހިންދު ހައްޔަރުވެފައި އޮތް ސަރަހައްދަށް ފުރަތަމަ އެހީދޭ ފަރާތްތަކަށް ދެވުނުއިރު، ހިންދުގެ އިތުރުން އެމްބިއުލާންސްއާވެސް އިދާރާއާ އޮތް ގުޅުން ވަނީ ކެނޑިފައެވެ. ހިންދުއާއި، ހިންދުގެ ޢާއިލާ މެންބަރުންގެ އިތުރުން އެމްބިއުލާންސްގައި ދިޔަ ދެމީހުންގެ ހަށިތައްވެސް ފެނިފައިވަނީ އޭގެ 12 ދުވަސް ފަހުންނެވެ.

ހިންދުއާއި، ހިންދުގެ ޢާއިލާ ޝަހީދުކޮށްލާފައިވަނީ ތެލް އަލް-ހަވާ ސަރަހައްދު ދޫކޮށް ހިޖުރަކުރަން އުޅުމުގެ ތެރޭގައެވެ. ހިންދުގެ ހަށިގަނޑު ފެނުނުއިރު، އޭގައި ކުޑަކުދިން ތިބިކަން ރަނގަޅަށް ދެނެތިބެ، ހިންދު ހައްޔަރުވެފައި އޮތް ކާރާ ދިމާލަށް 335 ފަހަރު ބަޑިޖަހާފައިވާކަން ފޮރެންސިކް ތަހުލީލުތަކުން ހާމަވިއެވެ. އަދި، ޔަހޫދީންގެ ޓޭންކު ޕާކުކޮށްފައި އޮތީ ކާރާ އެންމެ 13 ނުވަތަ 23 މީޓަރު ދުރުގައި ކަމަށާއި، ފަލަސްޠީނުގެ ރެޑް ކެރެސްންޓަށް ގުޅައިގެން އޮއްވާ، ހިންދުއާ ދެބެއިންގެ ދެދަރި ކުއްޖެއް ކަމަށްވާ 15 އަހަރުގެ ލަޔާން ހަމާދާގެ ގަޔަށް އެންމެ ހަ ސިކުންތު ތެރޭގައި 64 ފަހަރު ބަޑިޖަހާފައިވާ ކަމަށްވެސް ފޮރެންސިކް ތަހުލީލުތަކުން ހާމަވިއެވެ.

މި ހިތާމަވެރި ހާދިސާ ހިނގައިދިޔަ ދުވަހަށް ދެއަހަރު ފުރުން ފާހަގަކުރުމަށް، ސްޕެއިންގެ ބާސެލޯނާގައި ވަނީ. ތުއްތު ހިންދުގެ ފޮޓޮއަކާއެކު، ޣައްޒާގެ ކުޑަކުދިން މިނިވަންކުރުމަށް ގޮވާލާ، 180 ފޫޓު ބޮޑު ބެނަރ އެއް ނަގާފައެވެ.

ހިންދުގެ ވާހަކައަށް ބިނާކޮށް ހަދާފައިވާ ފިލްމު، "ދަ ވޮއިސް އޮފް ހިންދު ރަޖަބް" އަށްވަނީ، ވެނިސް ފިލްމް ފެސްޓިވަލުގައި ސިލްވަރ ލަޔަން އެވޯޑު ލިބިފައެވެ.

ހިންދު ޝަހީދުވެގެންދިޔަ ހާދިސާއަށް ދެއަހަރު ފުރުނުއިރު، ޔަހޫދީން އަންނަނީ އަދިވެސް ހިންދު ފަދަ އެތައް މައުސޫމް ފުރާނައެއް ކޮންމެ ދުވަހަކު ކަތިލަމުންނެވެ.