ޣައްޒާގެ ބްލޮކޭޑް ނިމުމަކަށް ގެނައުމަށް އިންސާނީ އެހީ ހިފައިގެން ދަތުރުކުރަމުންދިޔަ ފްލޮޓިލާގެ އުޅަނދެއް ކަމަށްވާ "މިކެނޯ" ޣައްޒާގެ ސަރަހައްދީ ކަނޑުގެ ތެރެއަށް ވަދެއްޖެއެވެ.

މި އުޅަނދަކީ ޣައްޒާއަށް އެހީ ފޯރުކޮށްދިނުމަށް ކުރިއަށްގެންދާ ގްލޯބަލް ސުމޫދު ފްލޮޓިލާގެ ބައިވެރި އުޅަނދެކެވެ.

Ad by Hajj Corporation

ގްލޯބަލް ސުމޫދު ފްލޮޓިލާގެ ލައިވް ޓްރެކަރއިން ދައްކާ ގޮތުގައި، "މިކެނޯ" މިހާރު ވަނީ ޣައްޒާގެ ސަރަހައްދީ ކަނޑުގެ ތެރެއަށް ވަދެފައެވެ. ނަމަވެސް، އިޒްރާއީލުގެ ބާރުތަކުން އެ އުޅަނދު އަދި ހުއްޓުވާފައިވޭތޯ އަދި ސާފެއް ނޫނެވެ.

މި މިޝަނުގައި ފުރަތަމަ މަދުވެގެން 26 އުޅަނދު ބައިވެރިވި ނަމަވެސް، އިޒްރާއީލުގެ ކޮމާންޑޯއިން ދަނީ އުޅަނދުތައް ހުއްޓުވަމުންނެވެ. މިހާރު ހަރަކާތްތެރިވަމުންދާ އުޅަނދުތަކުގެ އަދަދު ވަނީ 24 އަށް ދަށްވެފައެވެ. މީގެ ތެރޭގައި ޣައްޒާގެ ސަރަހައްދީ ކަނޑާ ކައިރީގައިވާ އެތައް އުޅަނދެއް ހިމެނެއެވެ.

"މިކެނޯ" ޣައްޒާގެ ސަރަހައްދީ ކަނޑަށް ވަނުމަށްފަހު، އަދިވެސް 23 އުޅަނދު ދަތުރުކުރަމުންދާ ކަމަށް މަޢުލޫމާތު ލިބެއެވެ. މި އުޅަނދުތަކުގެ މަޤްޞަދަކީ ޣައްޒާގެ ރައްޔިތުންނަށް އިންސާނީ އެހީ ފޯރުކޮށްދިނުމެވެ.

ޣައްޒާގެ ރައްޔިތުންނަށް އެހީ ފޯރުކޮށްދިނުމަށް ކުރެވޭ މި މަސައްކަތް ކުރިއަށްދާ ގޮތާއި، އިތުރު އުޅަނދުތަކަށް ޣައްޒާގެ ސަރަހައްދީ ކަނޑަށް ވަދެވޭތޯ ބެލުމަށް ދުނިޔޭގެ ސަމާލުކަން އަމާޒުވެފައިވެއެވެ.