އިސްރާއީލްގެ ދެ ސިފައިން މަރާލިކަމަށް ބުނެ އިސްރާއީލުން ގައްޒާ އަށް ހަމަލާދީ ފަލަސްތީނުގެ 26 ރައްޔިތުން ޝަހީދުކޮށްލައި، ހަނގުރާމަ އަލުން ފަށާފައިވާކަމަށް އިސްރާއީލުން ހޯމަ ދުވަހު ބުނެފިއެވެ.

އިސްރާއީލް މިލިޓަރީން ބުނާ ގޮތުގައި، މިލިޓެންޓުން އެންޓި-ޓޭންކް މިސައިލެއް ދޫކޮށް، އިސްރާއީލް ސިފައިންނަށް ހަމަލާދިނުމާ ގުޅިގެން، ގައްޒާގެ އެކި ސަރަހައްދުތަކުގައި ހުރި ހަމާސްގެ ޓާގެޓްތަކަށް ހަމަލާދީފައިވެއެވެ. މީގެ ތެރޭގައި ފީލްޑް ކޮމާންޑަރުންނާއި، ހަތިޔާރު އުފުލާ މީހުންނާއި، ޓަނަލްއަކާއި، ހަތިޔާރު ރައްކާކުރާ ތަންތަން ހިމެނެއެވެ. މިއީ އިސްރާއީލްގެ ދޮގެކެވެ. އިސްރާއީލުން ހަމަލާދީފައި ވަނީ އާންމު ތަންތަނަށްކަމަށް އެ ގައުމުގެ އާންމުންނާއި ހަވާލާދީ ބަައެއް މީޑިއާތަކުގައި ރިޕޯޓްކޮށްފައި ވެއެވެ.

Ad by Hajj Corporation

އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެފައިވަނީ އޭނާ މެދުވެރިވެގެން ވެވުނު އެއްބަސްވުން އަދިވެސް ދެމިއޮތް ކަމަށެވެ. އަދި ހަމާސްގެ ލީޑަޝިޕް މި އެއްބަސްވުމާއި ޚިލާފްވުމުގައި ބައިވެރިވެފައި ނުވެދާނެ ކަމަށް ވިދާޅުވިއެވެ. 

"އަޅުގަނޑުމެން ދެކޭގޮތުގައި ލީޑަޝިޕް މިކަމުގައި ބައިވެރިވެފައި ނުވެދާނެ،" އޭނާ ވިދާޅުވިއެވެ.

އިސްރާއީލްގެ ސެކިއުރިޓީ ސޯސްއަކުން ބުނާ ގޮތުގައި، ހަމާސްއިން "ސާފުކޮށް" އެއްބަސްވުމާއި ޚިލާފްވި ކަމަށް ބުނެ އެހީ ވެއްދުން ހުއްޓާލުމަށް އިސްރާއީލުން ނިންމުމަށްފަހު، އެމެރިކާގެ ޕްރެޝަރާއެކު ހޯމަ ދުވަހު ގައްޒާއަށް އެހީ ފޯރުކޮށްދިނުމަށް ވަނީ އަލުން ފަށާނެއެވެ.

ގައްޒާ ގަވަރމަންޓް މީޑިއާ އޮފީހުން ހާމަކޮށްފައިވާ ގޮތުގައި، އެއްބަސްވުން ފެށުނީއްސުރެ އިސްރާއީލުން ވަނީ މަދުވެގެން 97 ފަލަސްތީނު މީހުން ޝަހީދުކޮށްލައި، 230 މީހުންނަށް އަނިޔާކޮށް، އެއްބަސްވުމާއި 80 ފަހަރު ޚިލާފްވެފައެވެ.