އީރާނުގެ ދައުލަތުގެ މީޑިއާތަކާއި އެކި ފެންވަރުގެ އޮފިޝަލުން، ހުޅަނގުގެ ގައުމުތަކުން ކުރަމުންދާ އަސްކަރީ ހަރަކާތްތަކަކީ "ޝައިތާނީ އަދި ކުޑަކުދިންނަށް ޖިންސީ ގޯނާކުރާ ނުފޫޒުގަދަ ބައެއްގެ" އަމަލުތަކެއްގެ ގޮތުގައި އަންނަނީ ސިފަކުރަމުންނެވެ. އެކަމަށް ބާރުދޭ އެތައް ސަބަބެއް ހުރިކަމީ ވެސް ހަގީގަތެކެވެ.

"އެޕްސްޓީން ކްލާސް" 

Ad by Hajj Corporation

މި ލަފުޒަކީ 2025 ވަނަ އަހަރުގެ ފަހުކޮޅު އެމެރިކާގެ ކޮންގްރެސް މެންބަރު ރޯ ކަންނާ، ފަސާދަވެފައިވާ ބިލިއަނަރުންނަށް ނިސްބަތްކޮށް ބޭނުންކުރަން ފެށި ނަމެކެވެ. ނަމަވެސް، ޖެނުއަރީ 2026 ގައި އެމެރިކާގެ ޖަސްޓިސް ޑިޕާޓްމަންޓުން ޖެފްރީ އެޕްސްޓީންގެ ފައިލްތައް ހާމަކުރުމާއެކު، އީރާނުގެ ޕްރެސް ޓީވީ އާއި އިރްނާ ފަދަ މީޑިއާތަކުން މި ނަން ބޭނުންކޮށްގެން ހުޅަނގުގެ ލީޑަރުންނަށް އަންނަނީ ފާޑުކިޔަމުންނެވެ.

ތެހެރާނުން މި މައުލޫމާތުތައް ބޭނުންކުރަނީ މިހާރު ހިނގަމުންދާ އަސްކަރީ ކުރިމަތިލުމަކީ އަޚްލާގީ ގޮތުން އިނދަޖެހިފައިވާ ހުޅަނގުގެ ލީޑަރުންނާ ދެކޮޅަށް ކުރެވޭ "އަޚްލާގީ ޖިހާދެއްގެ" ގޮތުގައެވެ. މިގޮތުން، 11 ފެބްރުއަރީ 2026 ގައި ބޭއްވުނު އިންގިލާބީ ދުވަހުގެ އެއްވުންތަކުގައި، ޖެފްރީ އެޕްސްޓީންގެ ފޮޓޯ ޖަހާފައިވާ ހުޅަނގުގެ ލީޑަރުންގެ ބުދުތައް އަންދައި، އެއީ "ބޮޑު ޝައިތާނާގެ ހިތުގައިވާ ކުނިޖެހިފައިވާ ބައެއް" ކަމަށް ވަނީ ސިފަކޮށްފައެވެ.

ކުޑަކުދިންނަށް ކުރާ އަނިޔާ

އީރާނުން ބުނަމުންދަނީ ހުޅަނގުގެ ލީޑަރުން ކުރާ ކަމަކީ "ކުޑަކުދިން އިސްތިޣުލާލުކުރުން ނުވަތަ އެކުދިންނަށް ބޮން އެޅުން" ކަމަށެވެ. މި ބަސްމަގުގައި ދެ ކަމެއް ހިމެނެއެވެ. އެއީ އެޕްސްޓީން ފައިލްތަކުން ހާމަވި ޖިންސީ ގޯނާގެ މައުލޫމާތުތަކާއި، އެމެރިކާ އާއި އިސްރާއީލުން އީރާނަށް ދެމުންދާ ހަމަލާތަކުގައި ކުޑަކުދިން މަރުވަމުންދާ ދިއުމެވެ. އީރާނުގެ ތަފާސްހިސާބުތަކުން ދައްކާ ގޮތުގައި 28 ފެބްރުއަރީ 2026 އިން ފެށިގެން ދިން ހަމަލާތަކުގައި ސުކޫލްތަކާއި މީހުން ދިރިއުޅޭ ސަރަހައްދުތަކުން 100 އަށްވުރެ ގިނަ ކުޑަކުދިން ވަނީ މަރުވެފައެވެ.

އީރާނުގެ ނިއުކްލިއާ ވާހަކަތަކުގެ މުޝީރު ސައްޔިދު މުހައްމަދު މަރަންދީ ވިދާޅުވީ، "އެޕްސްޓީން ކްލާސް" އިން ހަނގުރާމައެއް ފަށަން ބޭނުންވަނީ އެމީހުންގެ ގައުމީ ފެންވަރުގައި ފަޅާއަރާފައިވާ ބޮޑެތި ފަސާދައިގެ މައްސަލަތަކުން މީހުންގެ ސަމާލުކަން އަނބުރާލުމަށެވެ. ހަމައެއާއެކު، އީރާނުގެ ޚާރިޖީ ވުޒާރާގެ ތަރުޖަމާނު ނާސިރު ކަނާނީ ވިދާޅުވީ ހުޅަނގުގެ ލީޑަރުންނަކީ "އިންސާނީ އެއްވެސް އަގުވަޒަންކުރުމެއް ނެތް، އަޚްލާގީ ގޮތުން ފުނޑުފުނޑުވެފައިވާ" ބައެއް ކަމަށެވެ.