ޖަޕާނުން ދޭ ސްކޮލަޝިޕްތަކަކަށް ކުރިމަތިލުމަށް ހުޅުވާލައިފިއެވެ.

ހަޔަ އެޑިއުކޭޝަން މިނިސްޓްރީން ބުނީ، ޕަނީޒް ގްރާންޓް އެއިޑް (ޖޭޑީއެސް) ފަރާތުން ރާއްޖެ އަށް ދިނީ މާސްޓާސް ޑިގްރީގެ ހަ ސްކޮލަޝިޕް ކަމަށާއި ސްކޮލަޝިޕްތަކަށް ކެންޑިޑޭޓުން ހޮވުމުގެ ހުރިހާ މަސައްކަތެއް ކުރާނީ ސްކޮލަޝިޕް ދޭ ފަރާތުން ކަމަށެވެ.

Ad by Hajj Corporation

އަދި ސްކޮލަޝިޕްތަކަށް ހޮވޭ ކެންޑިޑޭޓުންގެ ކޯހުގެ ހުރިހާ ޚަރަދެއް ދޭނީ ވެސް ޖޭޑީއެސް އިން ކަމަށް ހަޔާ އެޑިއުކޭޝަން މިނިސްޓްރީން ވިދާޅުވިއެވެ.

އެ ސްކޮލަޝިޕްތައް ހާއްސަކޮށްފައި ވަނީ ހިއުމަން ރިސޯސް ޑިވެލޮޕްމެންޓްގެ ދާއިރާއިންނެވެ.

ސްކޮލަޝިޕަށް ކުރިމަތިލުމުގެ ސުންގަޑިއަކީ އަންނަ މަހުގެ 10 ވަނަ ދުވަހުގެ ހަވީރު 4:00 އެވެ. އަދި ސްކޮލަޝިޕްތަކަށް ކުރިމަތިލެވޭނީ އުމުރުން 22-39 އަހަރާ ދެމެދުގެ މީހުންނަށެވެ.

މި ސްކޮލަޝިޕް ސްކީމް ރާއްޖޭގައި ތައާރަފުކުރީ 2020 ގައެވެ. އެގޮތުން ކޮންމެ އަހަރަކު ވެސް ހަ ސްކޮލަޝިޕް ޖަޕާނުގެ ތިން ޔުނިވަސިޓީއަކުންދޭ ގޮތަށް ހަމަޖެހިފައިވެއެވެ. އެއީ ކޮންމެ ޔުނިވަސިޓީއަކުން ދެ ފުރުސަތު ދޭ ގޮތަށެވެ.

އެ ޔުނިވަސިޓީތަކަކީ އިންޓަނޭޝަނަލް ޔުނިވަސިޓީ އޮފް ޖަޕާނާއި ރިތުސުމީކަން ޔުނވަސިޓީގެ އިތުރުން ރިތުސުމީކަން އޭޝިއާ ޕެސިފިކް ޔުނިވަސިޓީއެވެ.