ނިރުބަވެރި އިސްރާއީލުން ލުބުނާނަށް ދިން ހަމަލާތަކުގައި މިހާތަނަށް 1,670 މީހުން ޝަހީދުވެފައިވާ ކަމަށް އެގައުމުގެ ސިއްހަތާއިބެހޭ ވުޒާރާއިން ބުނެފިއެވެ.

މި މަހުގެ 23ވަނަ ދުވަހުން ފެށިގެން މިހާތަނަށް ކުށެއް ނެތް 100އަށްވުރެ ގިނަ ކުޑަކުދިންވެސް މި ޙަމަލާތަކުގައި ޝަހީދުވެފައިވާ ކަމަށް މަޢުލޫމާތުލިބެއެވެ. އަދި 6000 މީހުނަށް އެކިވަރުގެ ޒަޚަމްތައް ލިބިފައިވާ ކަމަށްވެސް މަޢުލޫމާތު ލިބެއެވެ.

ޔަހޫދީންގެ މި ހަމަލާތައް އަމާޒުކޮށްފައިވަނީ ލުބުނާނުގެ އިރުއުތުރުން އޮންނަ އަލް-ބިޤާޢު ވާދީގެ ޢަޔިން އޭ ކިޔުނު އަވަށަކަށެވެ. މިހަމާލާގައި ހިޒްބުﷲ ގެ ލީޑަރު ހަސަން ނަޞްރުالله ވަނީ ޝަހީދު ކޮށްލާފައެވެ. މިހަމާލާގައި އައިއާރްޖީސީގެ( އީރާނިއަން ރިވޮލިއުޝަނަރީ ގާޑް) ގެ ކޮމާންޑަރުގެ ނައިބު ޢައްބާސް ނިލްފުރޫޝާން ވެސް ޝަހީދު ކޮށްލާފައިވާ ކަމުގައި އީރާނުގެ އޮފިޝަލުން ވަނީ މީޑިއާއަށް ކަށަވަރުކޮށްދީފައެވެ.

1982ވަނަ އަހަރު އުފެދިގެން އައި ހިޒްބުﷲ ޖަމާއަތަކީ އިސްރާއީލުގެ އަނިޔާވެރިކަމާއި ދެކޮޅަށް އިރާނުގެ މަދަދާއިއެކު އުފެއްދި މުޖާހިދުންގެ ޖަމާއަތެކެވެ. މިޖަމާއަތުގައި 100,000 މުޖާހިދުން ހަރަކާތްތެރިވާކަމަށް އެޖަމާއަތުން ވަނީ ހާމަކޮށްފައެވެ. ހިޒްބުﷲ އިން ވަނީ ސީރިޔާގެ ދާޚިލީ ހަނގުރާމައިގައި އަސަދުގެ ސަރުކާރާއި އެއްކޮޅަށް ހަނގުރާމަކޮށްފައެވެ.

ހިޒްބުﷲ އިން ވަނީ މުސްލިމުނާއި ދެކޮޅަށް ޣައްޒާގައި އިޒުރޭލުން ފެށި އަސްކަރީ އުދުވާނުގެ ދިފާއުގައި ހަމާސް ޖަމާއަތާއި ބައިވެރިވެ އިސްރާއީލަށް ހަމަލާތައްދީފައެވެ. މިހަމާލާތަކުގެ ރައްދެއްގެ ގޮތުން އިސްރާއީލުން ހިންގި ލާއިންސާނީ އުދުވާނުތަކުގައި ހިޒްބުﷲ ގެ ލީޑަރު ޝަހީދުވިނަމަވެސް އެ ޖަމާއަތުގެ ބާރު ކަނޑުވައެއްނުލަވޭނެކަމަށް އެޖަމާއަތުން ވަނީ ބުނެފައެވެ. އަދި ޣައްޒާއަށް އިސްރާއީލުން ދޭ ހަމަލާތައް ހުއްޓާނުލަނީސް އެ ޖަމާއަތުން އިސްރާއީލުން ހަމަލާދޭނެ ކަމުގެ ފުރިހަމަ ޔަގީންކަން ހިޒްބުﷲ އިން ވަނީ ދީފައެވެ.

ހިޒްބުﷲ އިން ބުނީ ހަސަން ނަޞްރުالله ޝަހީދުކޮށްލުމާއި ގުޅިގެން އެކަމުގެ ރައްދު ހަމަލާ ވަރުގަދައަށް ދޭނެ ކަމަށެވެ. ހިޒްބުﷲ އިން ވަނީ ވަރުގަދަ ރޮކެޓް ހަމަލާތަކެއް އިސްރާއީލަށް އަމާޒުކޮށް ފޮނުވާލާފައެވެ. ނަމަވެސް އިޒުރޭލުގެ އަސްކަރިއްޔާއިން މިހަމަލާތައް ދިފާއުކޮށްފައިވާކަމަށް އިސްރާއީލުން ބުނެއެވެ.