ހިޒުބުﷲ އާއި އިޒްރާއީލާ ދެމެދު ކުރަމުންދިޔަ ހަނގުރާމަ ހުއްޓާލުމުގެ އެއްބަސްވުމާ އިޒްރާއީލުން ޚިލާފުވެއްޖެ ކަމަށް ލުބުނާނުން ބުނެފިއެވެ.

ލުބުނާނުގެ އިސް ފަރާތްތަކުން ބުނެފައިވާ ގޮތުގައި، ބުދަ ދުވަހުގެ ފަތިހު ދެ ޤައުމުގެ ދެމެދުގައި ހުއްޓުމަކަށް އައި ހަނގުރާމައިގެ އެއްބަސްވުމާ އިޒްރާއީލުން ވަނީ ގިނަ ފަހަރު މަތިން ޚިލާފުވެފައެވެ. އަނަދޫލު އޭޖެންސީގެ ރިޕޯޓުގައި ބުނެފައިވާ ގޮތުގައި އިޒްރާއީލުގެ ސިފައިންގެ އިއުލާންތަކާއި ލުބުނާނުގެ ނޭޝަނަލް ނިއުސް އޭޖެންސީގެ ރިޕޯޓުތަކުން ދައްކާ ގޮތުން މިހާތަނަށް މި އެއްބަސްވުމާ 18 ފަހަރު ޚިލާފުވެފައިވެއެވެ. އޭގެ ތެރެއިން 13 ފަހަރު ޚިލާފުވެފައިވަނީ ބުދަ ދުވަހުއެވެ.

ޙިޒްބުاللهއާއި ޔަހޫދީ ފައުޖުގެ ނިރުބަވެރި ސިފައިންނާ ދެމެދު ޙަމަލާ ބަދަލު ކުރަން ފަށާފައި ވަނީ މީގެ 13 މަސް ކުރިން ފަލަސްޠީނުގެ ޣައްޒާގެ މުސްލިމުންގެ ނަސްލުހޭދު ކުރަން ޔަހޫދީން ލާއިންސާނީ ޢުދުވާނެއް ފެށުމާ ގުޅިގެންނެވެ. ޒަޔަނިސްޓު އިސްރާއީލުގެ ރަށްތަކާއި ޔަހޫދީ ފައުޖުގެ އަސްކަރީ މަރުކަޒުތަކަށް ޙިޒްބުاللهން ޙަމަލާ ދޭން ފަށާފައި ވަނީ ފަލަސްޠީނުގެ ރައްޔިތުންނާއި، އެ ޤައުމުގެ މިނިވަން ކަމަށް ޖިހާދު ކުރާ މުޖާހިދުންނަށް ވާގިވެރިވުމުގެ ގޮތުންނެވެ. އެ ޖަމާޢަތުގެ އަމާޒަކީ ޣައްޒާ ޢުދުވާން ހުއްޓުމަކަށް ގެނައުމަށް ޔަހޫދީންނަށް ބާރު އެޅުމެވެ.ނަމަވެސް، ސެޕްޓެންބަރު 23ވަނަ ދުވަހު ޔަހޫދީ ފައުޖުން ވަނީ ލުބްނާންގެ ޢާންމުން ދިރިއުޅޭ ރަށްތަކަށް ބޮންއަޅަން ފަށާފައެވެ. އެންމެ ނުރައްކާތެރި ޙަމަލާތައް އަމާޒު ކުރަމުން ގޮސްފައި ވަނީ ވެރިރަށް ބައިރޫތާއި ދެކުނުގެ ރަށްތަކުގެ އިތުރުން އަލް-ބިޤާޢު ވާދީގެ ސަރަޙައްދުތަކަށެވެ. އެއަށްފަހު، އޮކްޓޫބަރު 1ވަނަ ދުވަހު ޔަހޫދީ ފައުޖުގެ ނިރުބަވެރި ސިފައިން، ބަރުހަތިޔާރާއި އަސްކަރީ ޓޭންކުފަހަރާ އެކު ލުބްނާންގެ ދެކުނުގެ ރަށްތަކަށް އަރައިގަނެ، ޤަތުލުޢާންމު އިތުރަށް ފުޅާކުރިއެވެ.އެއްބަސްވުމުގެ ޝަރުޠުތަކުގެ ދަށުން، އިޒްރާއީލުން އެގައުމުގެ ސިފައިން ބްލޫ ލައިން ކިޔާ ދެ ޤައުމުގެ ސަރަޙައްދު ވަކިކުރާ ރޮނގުގެ ދެކުނަށް މަރުޙަލާތަކަކަށް ބަހާލައިގެން އަނބުރާ ގެންދާނެއެވެ. އަދި ލުބުނާނުގެ ސިފައިން 60 ދުވަހުގެ ތެރޭގައި ދެކުނު ލުބުނާނަށް ފޯރުކުރާނެއެވެ.

މި އެއްބަސްވުން ތަންފީޒުކުރުމުގެ މަސައްކަތް ބެލެހެއްޓުމަށް ހަމަޖެހިފައިވަނީ އެމެރިކާ އާއި ފަރަންސޭސްވިލާތުންނެވެ. ނަމަވެސް އެއްބަސްވުން ތަންފީޒުކުރުމުގެ ތަފްސީލީ ގޮތްތައް އަދިވެސް ސާފެއް ނޫނެވެ.

ލުބުނާނުގެ ސިއްޙީ އިދާރާތަކުން ބުނާ ގޮތުގައި، ފާއިތުވި އަހަރުގެ އޮކްޓޯބަރު މަހުން ފެށިގެން އިޒްރާއީލުން ލުބުނާނަށް ދިން ހަމަލާތަކުގައި 3،960 އަށްވުރެ ގިނަ މީހުން މަރުވެ، 16،500 އަށްވުރެ ގިނަ މީހުންނަށް އަނިޔާވެފައިވެއެވެ. އަދި 1 މިލިއަނަށްވުރެ ގިނަ މީހުން ގެދޮރު ދޫކޮށް ދާން މަޖުބޫރުވެފައިވެއެވެ.