ފިރިމީހާ ދޫކޮށް، ޒުވާން ދެ ފިރިހެން ދަރިން ގޮވައިގެން ލުބްނާނުން ފިލަން މަޖުބޫރުވި ގޮތް އިނގިރޭސި މަންމައަކު ކިޔައިދީފި އެވެ.

އިސްރާއީލާއި ހިޒްބުاللهއާ ދެމެދު ހިނގަމުންދާ ހަމަނުޖެހުންތައް އިތުރަށް ހޫނުވަމުންދާތީ އިނގިރޭސިވިލާތުގެ ޚާރިޖީ ވުޒާރާއިން ވަނީ މެދުއިރުމަތީގެ ގައުމުތައް ވީހާވެސް އަވަހަކަށް އެގައުމުން ދިއުމަށް އިނގިރޭސިންނަށް އިލްތިމާސްކޮށްފައެވެ.މެންޗެސްޓާ އިން 2023 ވަނަ އަހަރު ލުބުނާނަށް ބަދަލުވި މަހާސެން އަލް ދާދާ ބުނީ އޭނާގެ ފިރިމީހާ އަށް އެތަނުން ނުދެވުނީ ނުކުޅެދުންތެރިކަން ހުންނަ ބައްޕައަށް އަޅާލަން ޖެހުމުން ކަމަށެވެ.

Ad by Hajj Corporation

ބުދަ ދުވަހު ބެއިރޫތުން ބާމިންހަމްއަށް ސަރުކާރުން ޗާޓަރުކުރި ފްލައިޓެއްގައި ދަރިންނާއެކު އިނގިރޭސިވިލާތަށް އެނބުރި އައުމުގެ ފުރުސަތު އޭނާއަށް ވަނީ ލިބިފައެވެ.

ސައިކޮލޮޖީ އެންޑް ކްރިމިނޮލޮޖީ ގްރެޖުއޭޓް މިސިސް އަލް ދާދާ އެހެން ނޫހަކަށް ދިން އިންޓަވިއުއެއްގައި ބުނީ ދެމަފިރިން ވަކިވާން ނިންމި ނިންމުމަކީ، ސަލާމަތީ ހާލަތު ގޯސްވުމުގެ ސަބަބުން ސްކޫލަށް ނުދެވޭ ކުދިންގެ ސަލާމަތާއި މުސްތަގުބަލަށްޓަކައި ނިންމި ނިންމުމެއް ކަމަށެވެ.