ރާއްޖޭގައި ފުރަތަމަ ފަހަރަށް ރެޓިނާ ލޭޒަރ ޓްރީޓްމަންޓްގެ ޚިދުމަތް އިންދިރާ ގާންދީ މެމޯރިއަލް ހޮސްޕިޓަލް(އައިޖީއެމްއެޗް) ގައި ދޭން ފަށައިފިއެވެ.

ރެޓިނާ ލޭޒަރ ޓްރީޓްމަންޓަކީ ދުވަސް ނުފުރާ ވިހާ ކުދިންނަށް ދޭން ޖެހޭ މުހިންމު ޓްރީޓްމަންޓެކެވެ.

Ad by Hajj Corporation

މިކަމާ ގުޅިގެން މާލޭ ގްރޫޕް އޮފް ހޮސްޕިޓަލިޓީސްގެ ސީއީއޯ އަބްދުއްރައްޒާޤް ޙަލީމް ވަނީ، އައިޖީއެމްއެޗްގެ އޮޕްތަލްމޮލޮޖީ ޑިޕާޓްމަންޓުގެ ޑޮކްޓަރުންނާއި ނަރުހުންނަށް މަރުޙަބާއާއި ޝުކުރު ދަންނަވާ އެކްސް ގައި ޕޯސްޓެއް ކުރައްވާފައެވެ.

ސީއީއޯގެ ޕޯސްޓުގައި ވަނީ، އަ.އި.ޖީ.އެމް.އެޗްގައި ދުވަސް ނުފުރާ ވިހާ ކުދިންނަށް ރެޓިނާ ލޭޒަރ ޓްރީޓްމަންޓްގެ ޚިދުމަތްދޭން ފެށިގެން ދިޔުމަކީ ނުހަނު އުފާވެރި ކަމެއްކަމަށްށާއި، މިއީ އެންމެ ނާޒުކު ތުއްތު ކުދިން ކަމުގައިވާ ދުވަސްނުފުރާ ވިހާ ކުދިންގެ ފެނުމުގެ ބާރު ރައްކާތެރިކުރުމަށްޓަކައި ދެވޭ ޚާއްޞަ ފަރުވާ އެއް ކަމަށް ވިދާޅުވެފައެވެ.

އަދި މިޚިދުމަތް ރާއްޖެ އިން ދެވެން ފެށުމާއެކު މިފަދަ ކުދިންނަށް ފަރުވާ ލަސްނުވެ ދިނުމުގެ ފުރުޞަތު ފަހިވެގެން ގޮސްފައިވާ ކަމަށް ވެސް ސީއީއޯ ގެ ޕޯސްޓުގައި ފާހަގަކުރައްވާފައިވެއެވެ.

މިއީ ރާއްޖޭގެ ސިއްޙީ ދާއިރާއަށް ލިބުނު އިތުރު ކާމިޔާބީއެއްކަން ފާހަގަ ކޮށްލެވެއެވެ.

ރާއްޖޭގެ ސިއްޙީ ދާއިރާއަށް ކުރިއެރުން ގެނައުމަށް މި ސަރުކާރުން ދަނީ ގިނަ މަސައްކަތްތަކެއް ކުރަމުންކަން ވެސް ފާޙަގަކޮށްލެވެއެވެ.