2025 ވަނަ އަހަރުގެ ގޯލްޑަން ބޯއީ އެވޯޑުގެ ފައިނަލިސްޓުން ހާމަކޮށްފިއެވެ. 2003 ވަނަ އަހަރު ނޫސްވެރިޔާ މެސިމޯ ފްރަންކީ ތަޢާރަފުކުރި މި އެވޯޑަކީ 21 އަހަރުން ދަށުގެ އެންމެ މޮޅު ކުޅުންތެރިޔާއަށް ދެވޭ އެންމެ ޝަރަފުވެރި އެއް އެވޯޑެވެ.

މިއަހަރުގެ ފައިނަލިސްޓުންގެ ތެރޭގައި ބާސެލޯނާގެ ޒުވާން ކުޅުންތެރިޔާ ލަމިން ޔަމާލް ހިމެނިފައި ނުވާކަން ފާހަގަކުރެވެއެވެ. ޔަމާލް އަށް ވަނީ ފްރާންސް ފުޓްބޯޅައިން ހޮވާ ބެލޮންޑޯގައި ފާއިތުވި އަހަރުގައި އުސްމާން ޑެމްބެލޭގެ ފަހަތުން ދެވަނަ ކުޅުންތެރިޔާގެ މަގާމު ހޯދުމަށްފަހު އަދި އެހަފްލާގައި އެންމެ މޮޅު ޒުވާން ކުޅުންތެރިޔާގެ މަގާމު ހޯދާފައެވެ.

Ad by Hajj Corporation

މިއަހަރުގެ ފައިނަލިސްޓުންގެ ތެރޭގައި ޕައު ކުބާސީ، ޑީން ހައުސެން، އަރްދާ ގުލަރ އަދި ޑެސިރޭ ޑޫއޭ ހިމެނެއެވެ. ޗެމްޕިއަންސް ލީގު ފައިނަލްއަށްފަހު ފޯމު ދަށްވެފައިވީ ނަމަވެސް، ޑޫއޭ އަކީ މި އެވޯޑު ހޯދުމުގެ އެންމެ ބޮޑު ފުރުސަތު އޮތް ކުޅުންތެރިޔާ ކަމުގައި ބެލެވެއެވެ.

17 އަހަރުގައި މިދިޔަ އަހަރުގެ އެވޯޑު ހޯދި ޔަމާލް މިއަހަރު ހިމެނިފައި ނުވަނީ ގޯލްޑަން ބޯއީގެ ގަވާއިދުތަކާ ގުޅިގެންނެވެ. އެއްވެސް ކުޅުންތެރިއަކަށް މި އެވޯޑު ދެފަހަރު ނުލިބޭނެ ކަމަށް ގަވާއިދުގައި ބަޔާންކޮށްފައިވެއެވެ. 2024 ގައި ރެކޯޑު އަދަދަކަށް ވޯޓު ލިބި، އެންމެ މަތީ ގޯލްޑަން ބޯއީ ފުޓްބޯޅަ ބެންޗްމާކް އިންޑެކްސް ސްކޯއެއް ހޯދި ޔަމާލް މިފަހަރު ހިމެނިފައި ނުވަނީ ހަމައެކަނި މި ގަވާއިދާ ގުޅިގެންނެވެ.