މާލެއިން ފުރައިގެން ކ.އެރިޔަދޫއަށް ދަތުރުކުރަމުން ދިޔަ ކޮޅުވެއްޓި ބަންޑުން ޖަހާލި ހާދިސާގައި ގެއްލުނު މީހުންގެ ތެރެއިން، އިތުރު މީހެއްގެ ހަށިގަނޑު ފެނިއްޖެއެވެ. އެމްއެންޑީއެފްއިން ބުނީ އޭނާގެ ހަށިގަނޑު ފެނިފައިވަނީ މިއަދު 15:45 ހާއިރުކަމަށެވެ.

މި ހާދިސާގައި 3 މީހަކު ގެއްލުނެވެ. އޭގެ ތެރެއިން އެކަކު މިއަދު ހެނދުނު ނިޔާވެފައި އޮތްވާ ވަނީ ފެނިފައެވެ. ހާދިސާގައި ނިޔާވެފައިވަނީ ގއ.ދާންދޫ/ސަރުސޫނުގެ އުމުރުން 38 އަހަރުގެ އަހްމަދު ޝިފާން ކަމަށް ދިވެހި ފުލުހުންގެ ޙިދުމަތުން ވަނީ ބުނެފައެވެެ.

ގެއްލުނު އިތުރު 2 މީހުން ހޯދުމުގެ މަސައްކަތް ކުރަމުން ދަނިކޮށް މެންދުރުފަހު ދެވަނަ މީހެއްގެ ހަށިގަނޑު ފެނިފައިވާއިރު އޭނާގެ ހަށިގަނޑު ނަގާފައިވަނީވެސް ކަނޑުއަޑިން ކަމަށާއި އެއީ ބިދޭސީއެއްކަމަށް އެމްއެންޑީއެފުން މައުލޫމާތުދެއެވެ.

Ad by Hajj Corporation

ރޭ ދަންވަރު ހިނގި މި ހިތާމަވެރި ހާދިސާގައި ގެއްލުނު މީހުން ހޯދުމުގެ މަސައްކަތް އެމްއެންޑީއެފް ކޯސްޓުކާޑުން އަދިވެސް ދަނީ ކުރަމުންނެވެ.

މި ދުވަސް ވަރަކީ މޫސުން ގޯސް ދުވަސްވަރެއްކަމުން ކަނޑުދަތުރުކުރުމުގައި މޫސުމަށް ސަމާލުވުމަށް ކަމާބެހޭ ފަރާތްތަކުން ވަނީ އިލްތިމާސްކޮށްފައެވެ.