ޒަމާންތަކަކަށް ނުވެފަ އޮތް ޤައުމު ތަމްސީލުކުރާ ޓީމް ތަކުގެ ކުޅުންތެރިންނާއި އޮފިޝަލުންގެ އެލަވަންސް ބޮޑުކޮށް، ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ކުޅިވަރުގެ އާއިލާ ހެއްވާލަ ދެއްވައިފިކަމަށް ހެންވޭރު ހުޅަނގު ދާއިރާގެ މެމްބަރު އަލީ އިބްރާހިމް ވިދާޅުވެއްޖެއެވެ.

މެމްބަރު މިހެން ވިދާޅުވީ،ރާއްޖޭގެ ގައުމީ ޓީމުތައް ތަމްސީލުކުރާ ކުޅުންތެރިންނާއި އޮފިޝަލުންނާއި އަދި ޕެރަ އެތުލީޓުންނަށް ދެމުން ގެންދާ އެލަވަންސް ބޮޑުކުރަން ރައިސުލްޖުމްހޫރިއްޔާ ނިންމެވުމާ ގުޅިގެން އެކްސްގައި ކުރެއްވި ޕޯސްޓެއްގައެވެ.

Ad by Hajj Corporation

މެމްބަރު އިތުރަށް ވިދާޅުވީ ، މި މަސައްކަތުގައި އަދިވެސް ކުރަންޖެހޭ ވަރަށް ގިނަކަންކަން އެބަހުރި ކަމަށާއި، الله އިރާދަކުރެއްވިއްޔާ މި ސަރުކާރުން ހުރިހާ ކަމަކަށް ހައްލު ގެނެސްދެއްވާނެ ކަަމަށެވެ.

“ އޭ ދިވެހީންގެ ފަޚުރުވެރި ދިދައާ، ތިބާދެކެ އަޅުގަނޑު އިންތިހާއަށް ލޯބިވަން “ ރައީސް މުޢިއްޒުގެ ޤައުމީ މި ބަސްކޮޅުގެ ހަގީގީ މާނަ ދިވެހި ރައްޔިތުން އިހްސާސް ކުރެވެމުންދޭ"_ ހެންވޭރު ހުޅަނގު ދާއިރާގެ މެމްބަރު އަލީ އިބްރާހިމް

ރައީސްގެ ނިންމެވުމާ ގުޅިގެން ގިނަބަޔަކު އެކަމަށް މަރުހަބާ ދަންނަވަމުން އަންނަ މި ދަނޑިވަޅުގައި، ވިލިމާލެ ދާއިރާގެ މެމްބަރު މުހައްމަދު އިސްމާއިލް ވެސް ވަނީ ރައީސުލްޖުމްހޫރިއްޔާއަށް ތައުރީފް ކުރައްވާ އެކްސްގައި ޕޯސްޓެއް ކުރައްވާފައެވެ. މެމްބަރުގެ ޕޯސްޓުގައި ވަނީ، ރައީސްގެ ވައުދުފުޅާ އެއްގޮތަށް އެމަނިކުފާނު ވަނީ ޤައުމީ ޓީމުތަކުގެ އެތުލީޓުންނާއި އޮފިޝަލުންގެ އިނާޔަތް ފުރަތަމަ ފަހަރަށް ބޮޑުކޮށް ކުޅިވަރުގެ އާއިލާ އަށް އުފާވެރިކަމާއި އާރޯކަން ގެނެސްދީފައި ކަމަށާއި، އިރާދަކުރެއްވިޔާ ވަޅު ޖެހިފައި އޮތް ކުޅިވަރުގެ ދާއިރާ މިސަރުކާރުން ނަގާ ކޮޅަށް ޖަހާނެ ކަމަށް ވިދާޅުވެފައެވެ.

ގައުމީ ޓީމުތަކުގެ ކުޅުންތެރިންނާ އޮފިޝަލުންގެ މުސާރަތައް ބޮޑުކޮށް ކުޅުންތެރިންނަށް އަންގާފައިވާއިރު މި އުސޫލާއި އެއްގޮތަށް މިއަހަރުގެ މެއިމަހުން ސެޕްޓެމްބަރުގެ ނިޔަލަށް ކުޅުންތެރިންނާއި، އޮފިޝަލުންނާއި ފެރާ އެތުލީޓުންގެ އެލަވަންސަށް ބޮޑުވެފައިވާ އަދަދު ޖަމާކުރުމުގެ މަސައްކަތް ކުރަމުން އަންނަ ކަމަށް ކުޅިވަރާއި ބެހޭ ވުޒާރާއިން ބުންޏެވެ.

ގައުމީ ޓީމުތަކުގެ ކުޅުންތެރިންނަށް ސަރުކާރުން ދޭ އިނާޔާތް ގަވާއިދުން ދިނުމާއި، ކުޅުންތެރިންގެ ފެންވަރު މަތިކުރުމަށް ތަމްރީނާއި ތަޖްރިބާގެ ފުރުސަތުތައް ހޯދައިދިނުމަކީ ސަރުކާރުން ވަރަށް ބޮޑު އިސްކަމެއް ދެއްވާކަމެކެވެ.