ބާސެލޯނާގެ ރައީސް ޖުއާން ލަޕޯޓާ މެސީ އަންނަ އަހަރުގައި ބާސެލޯނާގެ ދަނޑު 'ސްޕޮޓިފައި ކޭމްޕް ނޫ' އިން މެސީ ފެންނާނެކަމަށް ބުނެފިއެވެ. އެގޮތުން 2026 ވަނަ އަހަރުގެ ނިޔަލަށް ސްޕޮޓިފައި ކެމްޕް ނޯ އަލުން ހުޅުވުމުން ކުލަބުގެ އެންމެ މޮޅު ކުޅުންތެރިޔާ މެސީއަށް ޚާއްސަ ޝަރަފެއް ދިނުމަށް ރާވާފައިވާ ކަމަށެވެ.

ރިޕޯޓްތަކުން ބުނާގޮތުން ބާސެލޯނާއިން އެކުލަބުގައި މިހާތަނަށް އުފެދުނު އެންމެ މޮޅުކުޅުންތެރިޔާއަށް ބޮޑު ފެއާވެލް އެއް ބާސެލޯނާގެ ދަނޑުގައި ދިނުމަށް ވަނީ ނިންމާފައެވެ. މިއީ ބާސެލޯނާގެ ގިނަ ސަޕޯޓަރުން ވަރަށްވެސް ބޮޑަށް އުއްމީދުކުރަމުން އައި ކަމެކެވެ.

Ad by Hajj Corporation

"މެސީއާ ބެހޭ ގޮތުން އަޅުގަނޑު ވާނީ ގިނަ ފަހަރު މަތިން ބުނެފައި، އޭނާއަށް ޝަރަފު އެރުވުމަކީ އަޅުގަނޑުމެން ވަރަށް އުފަލާއެކު ކުރާނެ ކަމެއް. ތާރީޚުގައި އުފެދުނު އެންމެ މޮޅު ކުޅުންތެރިޔާއަށް މިކަން އެނގިވަޑައިގަންނަވާ،" ލަޕޯޓާ ބުނެފައިވެއެވެ.

މީގެއިތުރުން ލަޕޯޓާ ވަނީ މޮންޖުއިކްގައި ކުޅުންތައް ކުރިއަށްދާ ގޮތާ މެދުވެސް ވާހަކަ ދައްކާފައެވެ. އެގޮތުން އެތުލެޓިކްސް ސްޓޭޑިއަމަކަށްވުމުން ދިމާވާ ގޮންޖެހުންތަކާއި، ސަޕޯޓަރުންގެ ފަރާތުން ލިބޭ އެއްބާރުލުން ފާހަގަކުރެއްވިއެވެ.