ފުލުހުންނަށް މަރުގެ އިންޒާރު ދިން މައްސަލައެއްގެ ތުހުމަތުގައި މީހަކު ހައްޔަރުކޮށްފި އެވެ.

މި މައްސަލައިގެ ތުހުމަތުގައި ހައްޔަރުކޮށްފައިވަނީ އުމުރުން 24 އަހަރުގެ ދިވެހި ފިރިހެނެއް ކަމަށެވެ. އޭނާއަށްކުރާ ތުހުމަތުތަކުގެ ތެރޭގައި ބިރު ދެއްކުމާއި މަރުގެ އިންޒާރުދިނުން އަދި ހަޑިހުތުރު ބަސް ބޭނުންކުރުން ހިމެނެ އެވެ.

މި މައްސަލައިގައި ސީނަށް ދިޔަ ފުލުހުން ދިން ބަޔާނުގައި އޭނާ ފުލުހުންނަށް މަރުގެ އިންޒާރު ދިން ކަމަށް ބުނެފައިވެ އެވެ. ނަމަވެސް މި މައްސަލައިގައި ހައްޔަރުކުރި މީހާގެ ފަރާތުން ބުނެފައިވަނީ ހަމަނުޖެހުން ފެށިފައިވަނީ ފުލުހުން އަމަލުކުރި ގޮތުން ކަމަށާއި ފުލުހުންގެ ފަރާތުން ހަޑިހުތުރު ބަހުން އޭނާއާ މުއާމަލާތްކޮށްފައިވާ ކަމަށެވެ.

މި މައްސަލައިގައި އޭނާ 16 ދުވަހަށް ބަންދުކުރަން ކްރިމިނަލް ކޯޓުން ވަނީ އަމުރުކޮށްފަ އެވެ.

ކްރިމިނަލް ކޯޓުގެ ބަންދު އަމުރުގައިވާ ގޮތުން މި މައްސަލައިގެ ތުހުމަތުގައި ހައްޔަރުކުރި މީހާއަކީ ހައްޔަރު އަދި ބަންދު ލޮގް އޮތް މީހެކެވެ.

Ad by Hajj Corporation