އިލެކްޝަންސް ކޮމިޝަނުން ބޭނުންކުރާ ނަމޫނާތަކާއި އެއްގޮތަށް ނަންޖަހައި ވޯޓުކަރުދާސް ބޭނުންކޮށްގެން ވޯޓުދިނުމަށް ކެމްޕެއިން ނުކުރުމަށް އެ ކޮމިޝަނުން އިލްތިމާސް ކޮށްފިއެވެ.

އިލެކްޝަންސް ކޮމިޝަނުން ނެރެފައިވާ އިއުލާނުގައި ވަނީ އައްޑޫ ސިޓީގެ ފޭދޫ، ހުޅުދޫ އަދި މީދޫ ރައްޔިތުންގެ ހިޔާލު ހޯދުމަށް ނަގާ އާންމު ވޯޓަށް ހޭލުންތެރިކަން އިތުރުކުރުމަށް އިލެކްޝަންސް ކޮމިޝަނުން ބޭނުންކުރާ ނަމޫނާތަކާއި އެކޮމިޝަންގެ ނަންޖަހައި ވޯޓުކަރުދާހާ އެއްގޮތަށް ތައްޔާރުކޮށްފައިވާ ވޯޓުކަރުދާސް ބޭނުންކޮށްގެން ވަކިގޮތަކަށް ވޯޓުދިނުމަށް ކެމްޕެއިން ނުކުރުމަށް އިލްތިމާސް ކުރާ ކަމަށެވެ. އަދި އެކަން އެގޮތަށް ކުރާނަމަ ފިޔަވަޅު އެޅޭނެ ކަމަށް ވެސް އެކޮމިޝަނުން ބުނެއެވެ.

Ad by Hajj Corporation

އިލެކްޝަންސް ކޮމިޝަންނަށް ލިބިފައިވާ ގާނޫނުގެ ދަށުން އިންތިހާބުތަކާ ބެހޭ އާންމު ގާނޫނުގެ 74 ވަނަ މާއްދާގައި ވާގޮތުގެ މަތިން އެކޮމިޝަންގެ ހުއްދަނެތި ވޯޓުކަރުދާސް އުފެއްދުން ނުވަތަ ވޯޓުކަރުދާހުގެ ގޮތުގައި އިންތިހާބުގައި ބޭނުންކުރެވިދާނެއެވެ. އަދި އެއްފަދަ އެއްޗެއް އުފެއްދުމަކީ ކުށެއްކަމަށް ބަޔާން ކޮށްފައިވެއެވެ.

އައްޑޫ ސިޓީ ކައުންސިލް އެކުލެވިފައިވާ ގޮތަށް ބަދަލުގެނައުމަށްޓަކައި އައްޑުއަތޮޅު ހުޅުދޫއާއި މީދޫއާއި އެއަތޮޅު ފޭދޫގެ ރައްޔިތުންގެ ހިޔާލު ހޯދުމުގެ އާންމު ވޯޓު ނެގުމަށް ރައީސުލްޖުމްހޫރިއްޔާ ޑރ. މުޙައްމަދު މުއިއްޒުގެ ގަރާރަކުން ވަނީ ނިންމާފައެވެ.

މި އިންތިހާބުގެ ވޯޓުލުން ކުރިއަށްދާނީ އަންނަ ހޮނިހިރު ދުވަހުގެ ހެނދުނު 8:00 އިން ހަވީރު 4:00 އަށް ކަމަށް އިލެކްޝަންސް ކޮމިޝަނުން ބުނެއެވެ.