މާލޭގައި އަލަށް ހަދާ ވަޤްފު ޢިމާރަތްކަމަށްވާ ދާރުލްއަރްޤަމުން އަހަރަކު 10 މިލިޔަން ރުފިޔާ އިސްލާމިކް ވަޤުފު ފަންޑަށް ލިބޭނެ ކަމަށް އިސްލާމީ ކަންތައްތަކާ ބެހޭ ވަޒީރު ޑރ. ޝަހީމް އަލި ސައީދު ވިދާޅުވެއްޖެއެވެ.

ވަޒީރު މިފަދައިން ވިދާޅުވީ އެކްސްގައި ކުރެއްވި ޕޯސްޓެއްގައެވެ. މީގެ އިތުރުން ވަޒީރުގެ ޕޯސްޓުގައި ވަނީ މާލޭގައި އަލަށް ހަދާ ވަޤްފު ޢިމާރަތްކަމަށްވާ ދާރުލްއަރްޤަމްގެ ޢަމަލީ މަސައްކަތް ފެށުމުގެ އެއްބަސްވުމުގައި އަންނަ އާދިއްތަ ދުވަހު ބަޔަކާއެކު ސޮއިކުރެވޭނެކަމަށްށެވެ.

Ad by Hajj Corporation

މީގެ އިތުރުން ސަރުކާރުން ވަނީ ދާރުލްއަރްޤަމްގެ އިތުރުން ދާރުއްސަލާމްގެ ނަމުގައި ހުޅުމާލޭގައި ވަޤްފު ޢިމާރާތެއް އެޅުމަށް ނިންމާފައެވެ. ދާރުއްސަލާމް އިމާރާތުން އަހަރަކު 50 މިލިޔަން ރުފިޔާ ވަޤްފު ފަންޑަށް ލިބޭނެކަމަށް ސަރުކާރުން ލަފާޚުރެއެވެ.
ސަރުކާރުން ވަނީ ވަޤްފު އިމާރާތްތައް އެޅުމުގެ މަޝްރޫޢުތަކަށް ބީއެމްއެލް އިސްލާމިކްއިން 350 މިލިޔަން ރުފިޔާގެ އިސްލާމިކް ލޯން ދިނުމަށް ނިންމާފައިވާކަން މީގެ ކުރިން ހާމަކޮށްފައެެވެ.

މި މަޝްރޫޢުތަކަކީ މި ދައުރުގައި އިސްލާމީ ކަންތައްތަކާ ބެހޭ ވުޒާރާއިން ކުރިއަށް ގެންދިއުމަށް ހަމަޖެހިފައިވާ އެންމެ ބިޔަ މަޝްރޫޢުތަކެވެ.